Tónleikar til heiðurs byltingartónskáldinu
Miðvikudaginn 16. desember 2020 kl 20:00 verða tónleikar í Hofi á Akureyri til heiðurs byltingartónskáldinu Ludwig van Beethoven en hann fæddist á þessum degi fyrir 250 árum. Tónleikunum verður einnig streymt á mak.is. Tónleikarnir sem bera yfirskriftina “Hinn bjarti Beethoven” eru haldnir af Tónlistarfélagi Akureyrar í samvinnu við Menningarfélag Akureyrar.
Verkin á efnisskránni einkennast af birtu, gleði og krafti og tilheyra þeim tíma í lífi Beethovens áður en hann fór að missa heyrn að ráði. Þetta eru Sónata í A-dúr opus 68 fyrir píanó og selló, Sjö tilbrigði um stef úr Töfraflautunni Wo O 46 fyrir píanó og selló og Tríó í B dúr opus 11 fyrir klarinett, selló og píanó. Einnig verður flutt Aría úr Töfraflautunni eftir Mozart.
Í upphafi tónleikanna leikur hópur sellónemenda Óðinn til gleðinnar úr 9. Sinfóníunni. Fyrir tónleikana mun strengjakvartett nemenda leika verk eftir Beethoven í Naustinu.Nemendurnir stunda hljóðfæranám við Tónlistarskólann á Akureyri og í Tónlistarskóla Eyjafjarðar.
Flytjendur eru Ásdís Arnardóttir selló, Helena Guðlaug Bjarnadóttir sópran, Jón Sigurðsson píanó, Michael Jón Clarke baritón, Michael Weaver klarinett og Þórarinn Stefánsson píanó.
Í tilkynningu segir að aðgangur á tónleikana sé ókeypis en frjáls framlög séu vel þegin. Panta þarf miða á tónleikana vegna gildandi fjöldatakmarkana. Menningarsjóður Akureyrar, Akureyrarbær og Tónlistarsjóður styrkja þennan viðburð.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir