„Tökum á móti stjörnum framtíðarinnar og veitum þeim sviðið“
Það verður sannkölluð tónlistarveisla á Húsavík á sunnudagskvöld en þá fer fram Söngkeppni framhaldsskólanna í Íþróttahöllinni klukkan 19:45. Þetta er í fyrsta sinn sem keppnin er haldin í bænum en segja má að Húsavík sé nú orðin bær söngvakeppnanna. Bærinn komst í kastljós heimspressunnar þegar Netflix stórmyndin Eurovision Song Contest: The Story of Fire Saga var tekin upp í bænum. Síðan hefur hvert stórverkefnið á fætur öðru rekið á fjörur, bæði tónlistar og kvikmyndaverkefni.
Framkvæmdastjóri keppninnar er Hlynur Þór Jensson, en sýnt verður beint frá keppninni í sjónvarpi allra landsmanna. Kynningarfulltrúi og framleiðandi er Örlygur Hnefill Örlygsson. Hann segir undirbúning ganga vonum framar og lofar frábærri skemmtun.
Undirbúningur á fullu
„Þetta gengur vel og nú er tæknimannskapurinn að byrja tínast í bæinn í dag til að undirbúa útsendinguna,“ sagði Örlygur í samtali við Vikublaðið á þriðjudag og bætti við að sviðið yrði sett upp í dag, fimmtudag.
„Við reiknum með að byrja á fimmtudag að setja upp, en salnum verðu skipt í hólf og við byrjum á 1/3, setjum upp sviðið og svo verður allt undirlagt auðvitað á laugardag þegar við komum fyrir stólum og setjum upp ljósabúnað og annað slíkt.“
Þetta er í 32. skipti sem söngkeppnin fer fram og munu keppendur frá 23 skólum stíga á svið auk skemmtiatriða. Keppnin verður auk þess send út í beinni útsendingu á RÚV.
Dómnefnd keppninnar skipa þau Oddur Bjarni Þorkelsson, prestur og Ljótur hálfviti, Greta Salóme, söngkona, fiðluleikari og Eurovision fari, og Stefán Jakobsson, söngvari hljómsveitarinnar Dimmu og fyrrum keppandi í keppninni.
Draumur að rætast
Örlygur segir að gamall draumur sé að rætast með því fá keppnina til Húsavíkur „Mig hefur lengi langað til að keppnin yrði haldin hér á Húsavík, ég hef stundum tengst henni í gegnum árin. Einn af mínum bestu vinum sér um keppnina fyrir RÚV og ég hef alltaf reynt að íta þessu að honum að það væri gaman að halda keppnina á Húsavík. Svo lá landið bara þannig eftir allt Eurovision ævintýrið að það var slegið til og ákveðið að halda keppnina hérna,“ segir Örlygur aðspurður um aðdraganda þessa að ákveðið var að halda keppnina fyrir norðan. „Það eru svo margir sem tengja bæinn við tónlist núna, þó að það hafi vissulega verið ástæða til miklu fyrr. Það er ekki lítið af tónlistarfólki sem komið hefur frá Húsavík og farið suður yfir heiðar til að meika það,“ segir Örlygur og bætir við stoltur að nú sé kannski kominn tími til að snúa þessu við.
„Nú er kannski komið að því að fólk komi að sunnan og meiki það á Húsavík. Nú er komið að því að við tökum á móti stjörnum framtíðarinnar og veitum þeim sviðið.“
Örlygur bendir á að einhverjir keppendur muni koma til Húsavíkur í dag fimmtudag og svo verði þeir að tínast í bæinn fram á laugardag. Keppendum fylgi líka aðstandendur og því sé keppnin góð viðbót við ferðamannastrauminn sem er að vakna úr vetrardvala.
Húsvísk skemmtiatriði
Að lokum vill Örlygur vekja athygli á frábærum skemmtiatriðum sem boðið verður uppá í dómarahléi. Þau verða að sjálfsögðu með sérhúsvíksum blæ. Húsvíski Óskarsskórinn treður upp ásamt Grétu Salóme og tónlistarmaðurinn Einar Óli eða iLo eins og hann kallar sig mun flytja eitt af sínum frábæru lögum. „Svo vil ég hvetja Húsavíkinga til að drífa sig inn á Tix.is og tryggja sér miða á þennan einstaka viðburð,“ segir Örlygur að lokum.
Nýjast
-
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku.
Athugasemdir