„Þessar elskur hafa alltaf mætt með bros á vör og til í áskorun dagsins“
Í kvöld klukkan 20 frumsýnir Píramus og Þispa, leikfélag Framhaldsskólans á Húsavík; söngleikinn Wake Me Up Before You Go Go í Samkomuhúsinu á Húsavík en alls taka 40 manns þátt í uppfærslunni.
Karen Erludóttir leikstýrir verkinu en hún hefur leikstýrt yngstu leikurum Húsavíkur mörg undanfarin ár.
Karen segir í samtali við Vikublaðið að æfingar hafi farið af stað í byrjun október og gengið vonum framar þrátt fyrir ýmsar áskoranir. Leikarar í burðarhlutverkum hafa í mörgum tilfellum ekki komist á æfingar á sama tíma og því hafi þurft að hugsa í lausnum.
„Þau létu það aldeilis ekki stoppa sig og skiptust bara á að stökkva í það hlutverk sem vantaði svo hinir leikararnir gætu amk fengið að æfa sig. Þannig hefur það verið allt ferlið. Reyndar pínu skrítið að segja frá því, en síðasti dagurinn fyrir general prufuna er jafnframt eini dagurinn sem allir leikarar hafa komist á æfingu samtímis allt æfingaferlið. Svo það verður ekki fyrr en fyrst þá sem við náum að æfa leikritið með alla á sínum stað. En þar sem þau hafa verið svo dugleg að æfa sig þó það vanti hinn og þennan hef ég engar áhyggjur af þessu,“ segir Karen en viðurkennir að hafa ekki verið allt of bjartsýn þegar hún gerði sér grein fyrir að talsvert yrði um forfölll yfir æfingatímann.
„En ég var ákveðin í að láta þetta ganga og þau líka svo það er bara nákvæmlega það sem við gerðum. Margir mættu á leikæfingar þrátt fyrir að þurfa þess ekki bara til að hlaupa í skarðið fyrir einhvern sem komst ekki og gerðu það alltaf með bros á vör og gáfu sig alltaf 100% í hlutverkið, þrátt fyrir að vera að leika fyrir einhvern annan. En þannig náðu allir aðrir leikarar að æfa sig og þannig létum við bara boltann rúlla,“ segir Karen.
Það er alltaf ákveðin áskorun þegar sett er upp leikrit sem gerist á öðrum tíma en samtímanum þegar þarf að huga að búningum, leikmunum og þess háttar. Mynduð var búningadeild innan leikhópsins þar sem hver einstaklingur fékk sitt hlutverk. „Þau hafa verið ófá símtölin til ömmu og afa og foreldra undanfarnar vikur til að spyrja um hitt og þetta tengt 9. áratugnum,“ segir Karen létt í bragði og bætir við að ýmislegt gagnlegt hafi fundist í geymslunum.
Þetta er í annað sinn í röð sem leikfélagið setur upp söngleik en á síðasta ári var það Mamma Mia sem varð fyrir valinu. Karen segir að það hafi verið vilji leikhópsins að sýna söngleik aftur og eftir nokkra yfirsetu hafi þrír söngleikir orðið fyrir valinu sem kosið var um innan hópsins. Wake Me Up Before You Go Go varð fyrir valinu en það er upphaflega skrifað fyrir Verslunarskóla Íslands.
Verkið fjallar um hann Tomma, sem er 18 ára óhamingjusamur strákur því hann býr einn með mömmu sinni sem hann er alveg búinn að fá nóg af og pabbi hans ekki lengur í myndinni. Skyndilega er hann dreginn aftur í tímann til ársins 1984 þar sem hann er tveggja ára og samband foreldra hans hangir á bláþræði. Hann reynir allt sem hann getur til að halda foreldrum sínum saman í þeirri von um að framtíð, eða allt heldur nútíð, hans verði bærilegri. Við fylgjumst því með Tomma upplifa töfrana sem 1984 hafði að geyma og alla þá skrautlegu karaktera sem voru í lífi foreldra hans á þessum tíma. En áður en hann veit af er hann kominn í heljarinnar flækju sem hann veit ekki hvernig hann muni nokkurntíman komast úr.
„Þetta búið að vera hörku vinna, alla daga frá 16-22 og um helgar líka. En þessar elskur hafa alltaf mætt með bros á vör og til í áskorun dagsins. Nú þegar allt er að smella svona rétt fyrir frumsýningu þá er ekki laust við að það komi smá kvíðahnútur í mig, ekki fyrir frumsýningunni beint, eiginlega snýst hann meira um að þurfa að kveðja þessi frábæru ungmenni sem eru í Píramus og Þispu í ár. Auðvitað verður gott upp á heimilislífið að vera ekki alltaf í vinnunni öll kvöld, en mikið ofboðslega á ég eftir að sakna þeirra,“ segir Karen að lokum.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir