Talsverð áskorun en lærdómsríkt og skemmtilegt
mth@vikubladid.is
„Það hefur verið mjög mikilvægt fyrir okkur, bæði nemendur og kennara að taka þátt í þessu verkefni og við munum lengi búa að því,“ segja þær Birna Kristín Friðriksdóttir og Nanna Þórhallsdóttir kennarar í Stórutjarnaskóla í Þingeyjarsveit. Skólinn hefur undanfarin þrjú ár tekið þátt í evrópsku samstarfsverkefni fjögurra skóla frá fjórum löndum, Enjoy Math and Sciences nefnist það. Aðrir þátttakendur eru skóli í Arles í Frakklandi, Pärnu í Eistlandi og Mílanó á Ítalíu. Verkefnið er styrkt af Erasmus+menntasjóði ESB.
Birna og Nanna segja stærstu verkefnin felast í heimsóknum milli skóla. Fyrsta veturinn þegar kórónuveiran var í gangi var unnið á netinu. Þrír til fjórir kennarar frá hverjum skóla heimsækja samstarfsskólana, tvo skóla á hverjum vetri og var dvalið í viku í senn á hverjum stað við nám og kennslu. Þá fengu allir að kynnast nýja skólanum auk þess að fá þjálfun í nýjum kennsluaðferðum. Fjórða og síðasta heimsóknin var nú fyrir páska þegar Stórutjarnaskóli fékk heimsókn kennarar frá samstarfsskólunum. Fjórir íslenskir kennarar eru þátttakendur í verkefninu og 11 erlendir. Þá eru um 200 nemendur skólanna á aldrinum 7 til 11 ára virkir þátttakendur á hverju skólaári.
Þessa þrjá vetur hafa verið unnin sameiginleg verkefni á netinu og kennsluaðferðir þróaðar. Verkefnunum hefur verið skilað í sameiginlegar e-bækur og er nú á þessari vorönn verið að ljúka við áttundu rafverkefnabókina. Einnig unnu nemendurnir að sameiginlegum spurningakeppnum, þrautaverkefnum og fleiru sem þau sendu á milli sín.
Meðal verkefna sem búið er að vinna að nefna þær kynningu á menningu hvers lands, það hefur verið búið til og unnið með stærðfræðiverkefni með myndum og upplýsingum frá löndunum, unnið hefur verið með plánetu þar sem hugað er að fólksfjölda, vatns- og fæðuöflun, hitastigi og híbýlamöguleikum. Einnig má nefna verkefni um tungumál, plöntur og dýr og allt er tengt inn í stærðfræði- og náttúrufræðikennslu.
Finna, miðla og þróa
„Megintilgangur þessa samstarfsverkefnis er að finna, miðla og þróa fjölbreyttar kennsluaðferðir og nýja nálgun í stærðfræði og náttúrufræði,“ segja þær. „Það hefur verið einstakt tækifæri fyrir okkur hér í dreifbýlinu að vera með, þátttaka okkar í verkefninu hefur aukið fjölbreytni við kennslu, víkkað sjóndeildarhringinn og þá höfum við kynnst og öðlast reynslu af alþjóðlegu samstarfi.“
Nýjast
-
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum -
Vantraust og kerfishrun í málefnum fólks með ADHD
Aðalfundur ADHD samtakanna fta, haldinn 16. apríl 2024 skorar á Heilbrigðisráðherra að grípa nú þegar til aðgerða vegna þess kerfishruns sem blasir við í þjónustu hins opinbera við fólk með ADHD. Vegna aðgerðarleysis stjórnvalda á liðnum árum hafa biðlistar eftir greiningu og meðferð meira en tvöfaldast og nú bíða um fjögur þúsund einstaklingar eftir að komast í greiningarferli. Biðtími fullorðinna eftir ADHD greiningu og meðferð verður að óbreyttu vel á annan áratug hjá þeim sem nú hefja ferlið samkvæmt tilvísun Heilsugæslulæknis – vel á annan áratug!! -
SAk - Sumarmönnun vel á veg komin
Líkt og hjá öðrum heilbrigðisstofnunum hefur mönnun verið mikil áskorun fyrir Sjúkrahúsið á Akureyri. Herferðin „Komdu í lið með okkur!” sem miðaði að því að kynna SAk sem eftirsóknarverðan vinnustað og gefa innsýn í störf hjúkrunarfræðinga og ljósmæðra á Sjúkrahúsinu á Akureyri hitt í mark og er sumarmönnun nú vel á veg komin. -
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður
Athugasemdir