Sumartónleikar í Akureyrarkirkju hafi fest sig í sess í menningarlífi bæjarins
mth@vikubladid.is
„Það hefur gengið alveg gríðar vel, full kirkja af ánægðum gestum, bæði íslenskum og erlendum,“ segir Jónína Björt Gunnarsdóttir listrænn stjórnandi Sumartónleika í Akureyrarkirkju. Tvennum tónleikum er lokið og tveir eru eftir, á morgun og þarnæsta sunnudag.
Jónína Björt segir að Sumartónleikar í Akureyrarkirkju hafi fest sig í sess sem árleg tónleikaröð, en hún hófst árið 1987. „Við leggjum mikið upp úr því að hafa dagskrána fjölbreytta og oftar en ekki reynum við að bjóða upp á eina tónleika fyrir börn. Við einlínum svolítið á klassíkina, þessa sígildu tónlist, en það er líka gaman að blanda þessu saman. Á lokatónleikunum hjá okkur í sumar eru orgel og saxófónn í öndvegi, sem er skemmtileg blanda, hljóðfæri sem maður heyrir ekki oft í saman,“ segir hún. Á þeim tónleikum leikur Duo BARAZZ, sem skipað er saxófónleikaranum Dorthe Højland frá Danmörku og Láru Bryndísi Eggertsdóttur organisti Grafarvogskirkju.
Ferðafólk duglegt að mæta
Jónína Björt tók við starfi listræns stjórnanda Sumartónleikanna af Sigrúnu Mögnu Þórsteinsdóttur árið 2019, en þær höfðu skipt með sér verkum. Nú hefur Steinunn Arnbjörg Stefánsdóttir gengið til liðs við hana og saman halda þær um stjórnartauma tónleikaraðarinnar.
Hún segir að Sumartónleikarnir eigi sér sína „fastakúnna“ gesti sem komi á tónleika á hverju einasta ári og það sé alveg dásamlegt. „Sumir koma þegar þá langar að heyra eitthvað sérstakt og eins fáum við líka mikið af ferðafólki. Bæði er þar um að ræða fólk sem statt er tilfallandi við að skoða kirkjuna og heyrir af væntanlegum tónleikum og fá þá í kaupbæti en einnig sækja tónleikana ferðamenn sem sjá auglýsingar í bænum um þá og koma gagngert til að hlusta,“ segir Jónína Björt.
Varpljóð á Hörpu er yfirskrift tónleikanna sem verða næsta sunnudag, 17. júlí kl. 17, en þar flytja þær Helena Guðlaug Bjarnadóttir og Sigrún Magna Þórsteinsdóttir lög úr samnefndum ljóðaflokki eftir Ingibjörgu Azimu við ljóð Jakobínu Sigurðardóttur. Sönglögin samdi Ingibjörg í tilefni af 100 ára afmælis ömmu sinnar, Jakobínu Sigurðardóttur. Einnig flytja þær stöllur perlur úr íslenskum söng- og þjóðlögum.
„Við höfum verið einstaklega heppin með styrki, höfum lengi notið þeirra þannig við getum alltaf borgað tónlistarfólki og þeim sem þátt taka, en haft á sama tíma frítt inn og það er eiginlega alveg frábært,“ segir Jónína Björt og bætir við að fólk sé duglegt við að borga í litla krúttlega kassann frammi í anddyri þar sem tekið er við frjálsum framlögum. „Við erum þakklát fyrir það því auðvitað skiptir það máli að geta greitt fólki fyrir að taka þátt í þessu með okkur.“
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir