NorðurHjálp - Leita að nýju húsnæði fyrir nytjamarkaðinn
Sæunn Ísfeld Guðmundsdóttir, Stefanía Fjóla Elísdóttir, Guðbjörg Thorsen en á myndina vantar Önnu Jónu Viggósdóttur, en þessar fjórar konur standa að nytjamarkaðnum NorðurHjálp. Myndir: MÞÞ
„Það er sorglegt að þörfin í okkar góða samfélagi sé svona mikil,“ segir Sæunn Ísfeld Guðmundsdóttir ein þeirra vösku kvenna sem standa að markaðnum NorðurHjálp. Með henni eru þær Guðbjörg Thorsen, Anna Jóna Vigfúsdóttir og Stefanía Fjóla Elísdóttir. Alla hafa þær að baki langa reynslu af sjálfboðaliðastörfum. Markaðurinn var opnaður í lok október, hefur starfað í þrjá mánuði og þegar úthlutað um 2,6 milljónum króna til þeirra sem minna mega sín á Akureyri og nærsveitum.
NorðurHjálp er til húsa í gamla hjálpræðishershúsinu við Hvannavelli og hefur hluta þess húss til afnota. Það er nú í eigu byggingafélagsins BB bygginga. Fyrirtækið hefur áform um að byrja á nýjum framkvæmdum á lóðinni með vorinu, þar eiga að rísa nýjar íbúðir og þarf markaðurinn því að finna sér nýjan stað. „Það lá alltaf fyrir að þetta væri tímabundin staðsetning, en við erum alveg á fullu að leita að nýju húsnæði. Það þarf að vera nokkuð rúmgott og aðgengi að því þarf að vera gott. Við erum opin fyrir öllu en auðvitað ber starfsemi eins og okkar sem byggist upp á sjálfboðaliðastarfi og að gefa alla innkomu fyrir utan leigu, ekki mjög háa leigu,“ segir Sæunn.
NorðurHjálp er til húsa í gamla hjálpræðishershúsinu við Hvannavelli
Hún segir að viðtökur við markaði NorðurHjálpar hafi farið fram úr allra björtustu vonum. Vissulega hafi þær stöllur átt von á að vel yrði tekið í nýjan nytjamarkað í bænum, „en engan óraði fyrir hversu vel þetta hefur gengið og hvað allir eru ánægðir,“ segir hún. „Við áttum von á góðum meðbyr en ekkert í líkingu við það sem raunin er.“
Þetta er yndislegt
Bæði segir hún að fólk hafi verið afar fúst að gefa allra handa varning á markaðinn og þar kenni svo sannarlega margra grasa, þarf sé nánast hægt að finna allt milli himins og jarðar. Margir komi sér til gaman að gramsa í því sem í boði er, aðrir að leita að ódýrum fatnaði, eldhúsdóti ýmis konar, leikföngum, bókum eða hverju sem er. „Svo höfum við þegar fengið góðan hóp fastagesta sem lítur inn í kaffi og kex, skoðar blöð og bækur og hefur það notalegt. Okkur þykir mjög vænt um það að vera nokkurs konar athvarf fyrir fólk í dagsins önn, hér staldrar það við og spjallar og hefur það gott í smástund. Þetta er alveg yndislegt. Okkur þykir vænt um alla sem til okkar koma, þá sem færa okkur vörur til að selja, þá sem kaupa og líta inn. Allir eru mikilvægir.
Sæunn segir að í vikunni hafi sem dæmi verið tekið á móti tveimur dánarbúum. Það sé því yfirleitt í mörg horn að líta. Eins hafi krakkar úr leikfélagi VMA komið í leit að einhverju sem nýta má í sviðsmynd næsta leikrits. „Það er alltaf eitthvað skemmtilegt í gangi og mikið um að vera, þetta gefur lífinu lit.“
Á markaðnum kennir svo sannarlega margra grasa
Treystum fólki
Frá því starfsemin hófst hefur NorðurHjálp aflað ágætra tekna, en þegar hefur um 2,6 milljónum króna verið úthlutað til þeirra sem höllum fæti standa í samfélaginu. Hver og einn sem á þarf að halda sækir um og Sæunn segir að hjá þeim sé úthlutun höfð með gamla laginu, „við treystum fólki og eru ekki að krefja það um skattaskýrslur eða annað sem sanni fátækt þess. Þeir sem ekki eru með hreina samvisku verða þá bara að eiga það við sig en ég hugsa að 99% þeirra sem hafa óskað eftir okkar aðstoð hafi virkilega þurft á henni að halda,“ segir Sæunn.
Hún og hennar samstarfkonur eru hæst ánægðar og telja tíma sínum vel varið í störf við markaðinn. „Við erum þakklátar fyrir hversu vel gengur og samfélaginu sem hefur tekið svona vel á móti okkur,“ segir hún.
Nýjast
-
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss.
Athugasemdir