Jólin heima - María Björk Ingvadóttir rifjar upp
Það er María Björk Ingvadóttir sem svo sannarlega er lesendum að góðu kunn sem segir hér frá
Jólin heima
Er hálfmyrkur eða hálfljós ?
Pabbi minn notar þessi orð til að skilgreina þá stöðu sem upp kemur þegar birtan er ekki mikil, er kannski of lítil, jafnvel hálfgerð týra eða bara skárri en engin. Í þessu felst að hægt er að lýsa ástandi með ólíkum orðum, orðalagi sem um leið birta afstöðu til þess sem lýst er. Aðrir taka líkingu af glasi sem ýmist er hálf fullt eða hálf tómt. Val um orðalag liggur ævinlega hjá þeim sem orðin nota og orðin velja. Hálffullt glas og hálfljós er samt það sama og hálftómt glas og hálfmyrkur, ef út í það er farið en skapa mjög ólík hughrif.
Þessvegna er hægt að skrifa og segja ólíkar frásagnir af sömu atburðum allt eftir því hver sér og hvernig það er túlkað. Stundum er líka talað um að við höfum val um að setja upp ólík gleraugu, litur þeirra breytir líðan og birtu. Þannig útiloka dökk gleraugu að við sjáum hluti nema að takmörkuðu leyti en björt gleraugu auka okkur sýn.
Ég ólst upp í stórri fjölskyldu, átta systkinin, þar af sex systur og tveir bræður. Það var oft og er reyndar enn mjög glatt á hjalla, sum okkar tala meira en hin og önnur hlusta betur og velja vel hvert orð. Við höfum með okkur út í lífið allskonar minningar og einnig inngrónar hefðir sem foreldrar okkar báru með sér kynslóð fram af kynslóð. Mamma sauð alltaf skötu á Þorláksmessu, að vestfirskum sið og þó okkur hafi kannski ekki alveg frá byrjun þótt hún góð, þá tengdi þessi hefð okkur betur við móðurfjölskylduna á einhvern sérstakan hátt. Mér finnst ég aldrei meiri Vestfirðingur en á Þorláksmessu, með munninn fullan af vel kæstri skötu, hnoðmör og kartöflum. Þessu fylgja jákvæð hughrif og þessvegna hlakka ég alltaf til Þorláksmessu.
Fjölskyldan árið 2000
Pabbi kom með þá hefð, frá sínum föður, að skera út laufabrauð og þá dugði ekki að kasta til höndunum. Afi lagði línurnar um hvað taldist vera nógu góður útskurður og hvað ekki. Þeir feðgar sáu svo um að kenna okkur ýmis jólalög til að syngja með útskurðinum en þegar kom að sjálfum aðfangadegi mátti ekki setja aðra tónlist á en þá allra vönduðustu, með öðrum orðum, ekkert garg sem var í tísku þá stundina.
Við systkinin höfum svo tekið áfram ýmsar þær hefðir sem við ólumst upp við og bætt í sarpinn einu og öðru sem hentar hverju okkar.
Sá siður sem ég og mín fjölskylda höfum haldið í mörg ár og þykir ómissandi á gamlárskvöld, er að fara hringinn við matarborðið og gefa hverjum og einum tíma til að segja frá merkilegum og minna merkilegum atburðum líðandi árs, rifja upp sögur og samskipti með þakklæti í huga. Þarna æfumst við í að orða hlutina sem ræðst af eigin líðan, stemmingunni og þroska. Það fer nefnilega ekki endilega eftir aldri hvað fólk segir og hvernig það orðar hlutina, jafnvel þó einhverjir haldi það. Regla sem ekki má brjóta er að allir hlusta, dæma ekki og eru styðjandi ef á þarf að halda. Þá er gott að minna sig á að betra er að hafa hálfljós í frásögninni en hálfmyrkur.
Jólamyndin árið 2020
Ég vil að lokum óska ykkur öllum gleðilegs árs með von um að friður og ljós sigri myrkrið og hatrið og við tileinkum okkur að tala fallega hvert við annað.
María Björk Ingvadóttir - Félagsráðgjafi og fjölmiðlakona
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir