Í fylgd með fullorðnum fékk frábærar viðtökur
mth@vikubladid.is
„Við erum alveg í skýjunum, viðtökur gesta voru alveg frábærar,“ segir Stefanía Elísabet Hallbjörnsdóttir sem fer með hlutverk Birnu í leikverkinu Í fylgd með fullorðnum sem Leikfélag Hördæla frumsýndi í liðinni viku. Uppselt var á allar þrjár sýningar helgarinnar og miðasala fyrir næstu helgar gengur vel.
Í fylgd með fullorðnum er nýtt leikverk eftir Pétur Guðjónsson og byggir á lögum eftir Bjartmar Guðlaugsson. Sýningin er sett upp til heiðurs tónskáldinu, en Bjartmar verður sjötugur á árinu. Fylgst er með Birnu sem stendur á tímamótum í lífi sínu en hún lítur í leikritinu yfir farinn veg. Fjórar leikkonur fara með hlutverk Birnu eftir því á hvaða aldri hún er hverju sinni, en Stefanía er sú elsta.
Ylva Sól Agnarsdóttir – leikur yngstu Birnu og Stefanía Elísabet Hallbjörnsdóttir sem er elsta Birna. Myndir: Egill Bjarni Friðjónsson
Flestir geta tengt við verkið
„Það gekk allt eins og best verður á kosið hjá okkur og við fundum vel hvað gestir voru ánægðir,“ segir Stefanía. „Flestir geta tengt svo vel við þessa lífssögu sem sögð er í verkinu, það hafa allir lent í alls konar áföllum í lífinu og ná að tengja vel við frásögnina.“
Hún segir að eins hafi líka verið greinilegt að fólk þyrsti í félagsleg samskipti og menningu eftir langvarandi samkomutakmarkanir og því hafi verið létt og skemmtilegt stemmning á Melum alla sýningardagana.
„Við hlökkum til að halda áfram að sýna þetta verk, það er greinilegt af fyrstu sýningum að leikhúsgestir kunna vel að meta. Við höldum áfram með þessa sýningu örugglega eitthvað fram á vorið, eða eftir því sem aðsókn leyfir,“ segir Stefanía.
/MÞÞ
Stefán Jónsson - óskilgreind persóna , Þorbjörg Eva Magnúsdóttir sem Una og Sveinn Brimar Jónsso, Siddi.
Þorbjörg Eva Magnúsdóttir – Una, Sveinn Brimar Jónsson - Siddi og Bernharð Arnarson sem leikur Sumarliða
Nýjast
-
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala
Athugasemdir