Hoppsa Bomm í Kjarna-Sleðabrekkan tilbúin
Hoppsa Bomm -Sleðabrekkan er til i slaginn og óskar eftir notendum. Mynd Skógræktarfélagið
Heimasíða Skógræktarfélags Eyjafjarðar er með skemmtilega frétt af sleðabrekku sem freistar jafnvel miðaldra vefara sem hér fer fingrum um lykaborðið.
Fréttin er svona:
,,Sl haust var formað nýtt samkomusvæði á Kjarnatúninu. Brekkan sem þar var mynduð mun gegna hlutverki sleðabrekku á vetrum, áhorfendabrekku td á tónleikum og öðrum listviðburðum, nýtast til íþróttaiðkunar ýmiskonar árið um kring osfrv. Tenging við nýja "Kanínuleiksvæðið" á Kjarnavelli mun jafnframt auka nýtingarmöguleika beggja svæða sumar sem vetur. Sáning og lokafrágangur fer fram á vordögum en sleðabrekkan er nú þegar komin í gagnið og hvetjum við eyfirska sleða og snjóþotueigendur til að koma í Kjarnaskóg og renna sér !
.....og nei það verður ekkert töfrateppi í Kjarna, í gamla daga fylgdi því að renna sér niður sú kvöð að maður þurfti að labba aftur upp með sleðann ætlaði maður aðra ferð. Sú hefð rímar fullkomlega við lýðheilsuviðmið nútímans svo við verðum áfram í gamla tímanum !
Að því sögðu bendum við þó á að akvegur liggur samsíða sleðabrekkunni og tengist báðum endum hennar. Því er lítið mál að ferja okkur fótafúnu ef þurfa þykir 
Brekkan sú arna hefur hlotið nafnið Hoppsa Bomm með tilvísan í lagið „Á skíðum skemmti ég mér“ sem hljómsveit Ingimars Eydal með Helenu Eyjólfsdóttir í broddi fylkingar gerði gríðarvinsælt meðal þjóðarinnar, snemma á áttunda áratugnum. Ásta Sigurðardóttir textahöfundur gaf góðfúslega leyfi til að nýta titillínuna til góðra verka og sagði okkur skemmtilega sögu af því þegar eiginmaðurinn vakti hana um miðja nótt og gaf henni örstutta stund til að semja dægurlagatexta sem senda þyrfti eitthvert í hvelli og kynna fyrir söngvaranum svo hægt væri að taka lagið upp.
Við erum afar þakklát fyrir það og hlökkum til að heyra lagið óma á fyrstu útitónleikunum sem þarna verða haldnir, vonandi áður en langt um líður
Annars er fínt færi á flestum leiðum hér í skóginum, veðrið fínt en aðeins farið að mugga nú eftir hádegið. Standið á göngu og skíðaleiðum má sjá hér á https://www.kjarnaskogur.is.skisporet
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir