Hjaltalín og Ástarsögur á Græna hattinum
Helga Kvam, Pálmi Óskarsson og Þórhildur Örvarsdóttir segja aftur sögur af ástinni á tónleikum á Græna hattinum í kvöld, fimmtudaginn 12. september. Svo takast megi að draga upp allt hið rómantíska litróf hafa þau fengið til liðs við sig Halldór G. Hauksson trommuleikara, Kristján Edelstein gítarleikara og Stefán Daða Ingólfsson bassaleikara.
„Vegir ástarinnar verða rannsakaðir í þaula með hjálp alþekktra ástarsöngva; magafiðrildi, angistarkvíði, daður, óendurgoldnar tilfinningar, ástarbál, alsæla, vonsvik, harmur, ástarsorg. Og breiköppsongs, auðvitað. Gömul uppáhaldslög, Lög unga fólksins og ástfangna fólksins og lög hryggbrotna fólksins frá ýmsum tímum verða gædd nýju lífi. Væmnifóbíu verður gefið langt nef. Hláturinn þó aldrei langt undan. Úrvalskvöldstund fyrir ástfangna og elskaða á rökkvuðu og rómantísku haustkvöldi. Allur tilfinningaskalinn í tónum og tali á tveim tímum,“ segir um tónleikana sem hefjast kl. 21.00.
Hljómsveitin Hjaltalín snýr aftur á árinu 2019 og heldur tvenna tónleika á Græna hattinum, föstudag- og laugardagskvöldin 13. og 14. september. Tónleikarnir eru hluti af endurkomu sveitarinnar sem hefur legið í dvala undanfarin ár en stígur nú aftur fram á sjónarsviðið, og það með hvelli. Sveitin hélt tvenna vel lukkaða tónleika í Hörpu um síðustu helgi og koma því fersk norður til Akureyrar.
Í byrjun árs kom út lagið Baronesse og fór lagið m.a. á topp vinsældarlista Rásar 2 og lagið Love from 99 hefur trónað á toppnum frá því það heyrðist fyrst. Hljómsveitin vinnur nú að nýrri plötu sem gert er ráð fyrir að komi út í byrjun vetrar. Á tónleikunum á Græna hattinum er ætlunin að spila bæði nýju lögin og að rifja upp þau gömlu. „Brot af því besta frá ferli Hjaltalín, á besta tónleikastað landsins,“ segir um tónleikana sem hefjast kl. 22.00 bæði kvöldin.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir