Freyvangsleikhúsið frumsýnir Bangsímon og Grislíng í jólasveinaleit
„Það má segja að þetta hafi allt saman gerst alveg óvart,“ segir Jóhanna S. Ingólfsdóttir höfundur verksins Bangsímon og Grislingur í jólasveinaleit sem Freyvangsleikhúsið frumsýnir á morgun, föstudaginn 17. nóvember í Freyvangi. Jóhanna er einnig leikstjóri.
Jóhanna segir að Freyvangsleikhúsið hafi sett upp aðventusýningu í fyrra og hafi hún heppnast einkar vel, en verkið var um þá bræður Karíus og Baktus, hún leikstýrði og tveir stjórnarmenn léku bræðurnar. „Við höfðum nýlega tekið við rekstri Freyvangs og þurfum að sníða okkur stakk eftir vexti, þetta mátti ekki kosta of mikið þannig að við gengum í öll verk,“ segir hún og sama staða er uppi á teningnum nú.
„Við vildum endilega endurtaka leikinn og bjóða upp á barnasýningu á aðventu og upp kom hugmyndin um að blanda Bangsímon og Grislíngi inn í verkið en það var ekki til neitt jólatengt um þá félaga þannig að úr varð að ég tók að mér að gera handritið,“ segir Jóhanna sem sótt hefur námskeið hjá Bandalagi íslenskra leikfélaga, bæði í leikstjórn og handritagerð. „Og við reynum auðvitað að nýta okkur allt sem við getum og kunnum hér heima til að halda útgjöldum í skefjum,“ segir hún.
Verkið byggir á þessum ástsælu persónum, Bangsímon og Grislingi og inn í það blandast ýmsar sígildar íslenskar verur sem allir þekkja. Þeir félagar eru komnir til Íslands í leit á jólasveinum sem þeir höfðu frétt að væru hvorki fleiri né færri en 13 talsins. Sagan segir frá leit þeirra sem gengur upp og ofan, en ýmsar verur hitta þeir á ferð sinni líkt og við er að búast á íslensku fjalli. Þeir halda ótrauðir áfram þó ýmislegt gerist á leiðinni og halda í trúna á að þeim takist ætlunarverk sitt, hafa óbilandi trú á sjálfum sér og hvor öðrum.
Eiríkur Bóasson semur tónlist, sem er létt og skemmtileg, textar eru ýmist frumsamdir eða með vísum Jóhannesar úr Kötlum. Leikritið er rúmlega klukkustund að lengd með hléi og hentar vel börnum á öllum aldri. „Við ætlum að sýna allar helgar fram að jólum og er skemmst frá því að segja að sala fer vel af stað, það er því sem næst uppselt tvær fyrstu helgarnar. Við hlökkum mikið til að hefja sýningar og vonum svo sannarlega að við náum að breiða gleðina út til barnanna,“ segir Jóhanna.
Gríslingur og Bangsímon bollaleggja næstu skref
Jón Friðrik Benónýsson er sögumaður
Jóhanna S. Ingólfsdóttir skrifaði handrit og leikstýrir
Nýjast
-
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins. -
Nýr formaður ÍBA Jóna tekur við af Geir
Jóna Jónsdóttir er nýr formaður Íþróttabandalags Akureyrar. Hún tók við embættinu af Geir Kristni Aðalsteinssyni sem verið hafði formaður í 10 ár. Ársþing ÍBA var haldið á dögunum. -
Hagnaður KEA 787 milljónir króna
Á aðalfundi félagsins sem fram fór í gærkvöldi kom fram að 787 milljóna króna hagnaður varð af rekstri félagsins á síðasta ári. Hreinar fjárfestingatekjur voru 1.057 milljónir króna og hækkuðu um 290 mkr. á milli ára. Eigið fé var rúmir 9,5 milljarðar og heildareignir námu rúmum 9,8 milljarði króna. Eiginfjárhlutfall var rúmlega 97%. -
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí
Athugasemdir