Fjölbreytt dagskrá á Græna hattinum
Fjölbreytt dagskrá er á Græna hattinum um helgina. Í kvöld, föstudagskvöldið 14. febrúar mun Katrín Ýr í samvinnu við VOX Collective flytja lög söngkonunnar Adele. Á tónleikunum munu þau taka lög frá öllum þremur plötum Adele; 19, 21 og 25, auk annara laga frá tónleikum og öðrum live flutningum.
Þetta er í fyrsta skiptið sem þessir tónleikar verða haldnir á Akureyri, en síðustu tvennir tónleikar í Reykjavík seldust upp í forsölu. Katrín hefur starfað við tónlist síðastliðin 13 ár og sett saman ýmsa tónleika með VOX Collective, og hefur þar á meðal heiðrað tónlistarmenn/konur á borð við Madonna, Carole King, Outkast, Nirvana ofl. Hljómsveitina skipa Katrín Ýr söngur, Helgi Reynir gítar og raddir, Birgir Kárason bassi og raddir, Ed Broad trommur og Glenn Callaghan hljómborð. Tónleikarnir hefjast kl. 22.00.
Á laugardaginn 15. febrúar er komið að Geirfuglunum sem halda útgáfutónleika á Græna hattinum. Þar verða leikin lög af hljómplötunni Hótel Núll í bland við eldri slagara. „Geirfuglarnir leika útdauða tónlist í takt við tíðarandann og láta nú gamlan draum rætast að mæta loksins norður á Græna hattinn,“ segir um tónleikana sem hefjast kl.22.00.
Þess má svo til gamans geta að Græni hatturinn fagnar 17 ára afmæli þessa helgi.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir