Eiga notalega stund yfir prjóna- skapnum og gefa afraksturinn
mth@vikubladid.is
„Við prjónum og prjónum en höfum ekki í sama mæli komið okkar prjónelsi út, þannig að við ákváðum að prófa þessa leið,“ segir Anna Steinunn Þengilsdóttir sem er í forsvari fyrir prjónaklúbbinn Vinaprjón á Akureyri en klúbbkonur selja nú varning sinn á markaði á Hauganesi. Konur í klúbbnum hittast reglulega, prjóna saman og gefa Mæðrastyrksnefnd Akureyrar og nágrennis það sem prjónað er, en þaðan kemst varningurinn til skila þar sem hans er þörf.
Anna Steinunn segir að klúbburinn verði brátt fjögurra ára gamall, konurnar sem hann mynda hittust fyrst í ágúst árið 2018. Um það bil 8 til 10 konur eru innan hans raða og koma þær saman á Orðakaffi á Amtsbókasafninu á Akureyrar þar sem vel fer um hópinn. „Þetta spurðist út, vinkona mín var til í að vera með og svo slóst vinkona hennar í hópinn og þannig koll af kolli. Við erum því orðnar nokkrar í hópnum, sem myndum fastan kjarna.“
Áttum mikið magn
Kórónuveiran sett sitt mark á félagsskapinn eins og á allt samfélagið á sínum tíma og á stundum var ekki hægt að blása til samfunda. Undanfarið ár hefur verið með þær hætti að konur hafa prjónað sem aldrei fyrr, saman eða sitt í hvoru lagi heima hjá sér og mikið safnast upp á varningi. Nú þegar sumar er gengið í garð og starfsemi Mæðrastyrksnefndar í lágmarki sem og einnig eftirspurn eftir ullarvarningi var ákveðið að prófa að koma prjónlesinu í verð, selja á markaði og gefa Mæðrastyrksnefnd innkomuna.
Fyrir valinu var að koma sér fyrir á markaðnum Himnaríki á Hauganesi og ætla Vinaprjónskonur að vera þar þrjár helgar í röð, síðustu helgi, um komandi helgi og einnig þá næstu. „Þetta gekk alveg ágætlega fannst mér, en vant fólk á markaðnum talaði um að hefði verið heldur rólegt, það hefði svo mikið verið um að vera annars staðar. En við verðum þarna líka næstu tvær helgar og eigum von á að varningur okkar gangi út,“ segir Anna Steinunn.
Notalegar stundir yfir prjónaskap og kaffibolla
Hún segir að konurnar eigi það sameiginlegt að hafa gaman af því að prjóna í góðum hóp. „Þetta eru notalegar stundir hjá okkur, yfir kaffibolla og góðu spjalli um leið og prjónaskapnum. Það er líka ánægjulegt að láta gott af sér leiða, en allt sem við framleiðum á þessum stundum fer til fólk sem virkilega þarf á því að halda,“ segir Anna Steinunn, en varningur sem konurnar prjóna er margvíslegur og bæði fyrir börn og fullorðna. Vettlingar og sokkar, sjöl, treflar og kragar, peysur og prjónasett á börn er á meðal þess sem Vinaprjónskonur prjóna á samverustundum sínum.
Hún segir að fyrir komi að félagsskapnum sé gefið garn, þannig hafi kona á Suðurlandi gefi mikið magn þegar hún hætti að prjóna og losaði sig við birgðir. Einnig hafi þær stundum fengið garn úr dánarbúum og eða fólk gauki að þeir garni. „Við nýtum allt sem við komumst yfir,“ segir hún.
Afköstin skipta engu
Auk þess að gefa Mæðrastyrknefnd prjónavörur hefur Kvennaathvarfið notið góðs af dugnaði prjónakvenna, Frú Ragnheiður hefur einnig komið varningi áfram til sinna skjólstæðinga og þá voru þær um tíma í samstarfi við Fjölskylduhjálp Íslandi í gegnum kunningjakonu. Innflytjendur hafa einnig fengið prjónaðan fatnað þegar þörf er á. „Allt sem við prjónum saman er gefið, það er rauði þráðurinn í þessu hjá okkur. Okkar markmið er að styðja við góð málefni og gleðja aðra. Afköstin skipta engu, mest er um vert að hittast og eiga góða stund saman. Þetta er fastur punktur í tilverunni hjá okkur og alveg ómissandi finnst okkur að hittast á hverjum miðvikudegi yfir prjónaskapnum. Þetta eru ánægjulegar stundir og gefur okkur öllum mikið, það er gott að vita af því að vinnan manns komi öðrum að gagni,“ segir Annar Steinunn.
Vinaprjónskonur prjóna vettlinga og sokka, trefla, sjöl og kraga svo dæmi séu tekin.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir