Djákninn á Myrká í Samkomuhúsinu
Birna Pétursdóttir og Jóhann Axel Ingólfsson eru einu leikararnir í sýningunni og skipta með sér öllum hlutverkum, sem eru um 20 talsins.
Djákninn á Myrká, Sagan sem aldrei var sögð, verður sýnt í Samkomuhúsinu á Akureyri, fimmtudaginn 23. maí og föstudaginn 24. maí kl. 20:00. Um er að ræða samstarfsverkefni sviðslistahópsins Miðnættis og Leikfélags Akureyrar. Miðnætti er leikhópur sem í grunninn er skipaður þremur listakonum úr mismunandi listgreinum en hópurinn fær til sín ýmsa listamenn í mismunandi verkefni.
Hópinn skipa leikkonan og leikstjórinn Agnes Wild, tónlistarkonan Sigrún Harðardóttir og leikmynda- og búningahönnuðurinn Eva Björg Harðardóttir. Leikritið er byggt á frægustu draugasögu íslandssögunnar, Djáknanum á Myrká. Þjóðsagan sjálf er ekki nema um þrjár blaðsíður að lengd, en sýningin er um 60 mínútur. Í leikverkinu er lesið á milli línanna og komist að ýmsu fróðlegu og skemmtilegu sem tengist sögunni. Þótt djákninn og Guðrún séu vissulega aðalsöguhetjurnar eru ýmsir aðrir skemmtilegir karakterar inná milli sem spila mjög mikilvægt hlutverk í framvindu sögunnar. Þar má nefna Berg og Sigurlaugu, systkinin á Þúfnavöllum.
Tveir leikarar eru í sýningunni, þau Birna Pétursdóttir og Jóhann Axel Ingólfsson. Þau skipta með sér öllum hlutverkum, sem eru um 20 talsins. Birna og Jóhann hafa hlotið mikið lof fyrir leik sinn í vetur hjá MAk í sýningunum Kabarett, Krúnk krúnk og dirrindí og Gallsteinar afa Gissa. Sýningin er unnin með svokallaðri "samsköpunar" aðferð (en. devised) en þar vinnur hópurinn allur saman að því að búa til leikritið frá grunni. Ýmsar aðferðir eru notaðar í sköpunarferlinu, m.a. spuni og rannsóknarvinna. Bæði leikarar og listrænir stjórnendur taka þátt í öllu ferlinu. Sagan er skoðuð út frá öllum mögulegum sjónarhornum, karakterar fæðast og stíll mótast.
„Í þessu tilfelli hefur hópurinn fundið ýmsar kómískar hliðar á sögunni svo úr varð sprenghlægilegur en jafnframt hrollvekjandi gamanleikur fyrir alla fjölskylduna,“ segir í tilkynningu.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir