Bílaleiga Akureyrar-Höldur Óvissa með ferðasumarið en sleppur að líkindum til
„Ég er ekki svartsýnn en það eru blikur á lofti og ákveðið áhyggjuefni hvernig sumarið lítur út,“ segir Steingrímur Birgisson forstjóri Bílaleigu Akureyrar-Hölds. Hátt vaxtastig í landinu og hversu dýrt landið sé orðið auk þess sem amk í vetur bar á misskilningi hjá ferðalöngum um stöðu á Íslandi vegna jarðhræringa setja strik í reikninginn.
Steingrímur segir árið hafa farið nokkuð vel af stað og fyrstu fjórir til fimm mánuðir þessa árs eru örlítið betri en var fyrir sama tímabili í fyrra. Maí hafi sem dæmi komið betur út í bókunum inná sumarið en sami mánuður í fyrra. „Það voru fleiri ferðamenn hér um slóðir, bæði erlendir og innlendir en búist var við þannig að veturinn var nokkuð góður,“ segir hann.
Vinnum fyrir bankana
Óvissa sé hins vegar uppi á teningnum varðandi sumarið, það virðist fara af stað í meiri rólegheitum en tvö undangengin sumur. Raunar var óvenjum mikið að gera þá, bæði sumarið 2022 og 2023, en þau ár voru í hópi þeirra bestu í rekstri fyrirtækisins. Vextir höfðu hins vegar afar neikvæð áhrif á afkomuna í fyrra, fyrirtækin finni vel fyrir þeim gríðarháu vöxtum sem gildi hér á landi. „Það er nú gjarnan gripið til þess orðalags að við séum að vinna fyrir bankana,“ segir hann. Háir vextir hafi áhrif á heimilin, fyrirtækin og andlega heilsu fólks „og eru að mínu mati komnir langt uppfyrir velsæmismörk og stuðla í raun að aukinni verðbólgu.“
Bókað með skemmri fyrirvara og styttri dvöl
Steingrímur segir að talsvert sé um ferðafólk en það virðist stoppa skemur en áður. „Fólk sem heimsækir Ísland er að bóka með skemmri fyrirvara og hefur stytt ferðir sínar. Það eru efnahagserfiðleikar víðar en hjá okkur, þó vextir séu hvergi jafn háir og hér. Það eru ákveðnir erfiðleikar í Evrópu , en það skiptir líka máli að í lok liðins árs og byrjun þessa var eins og margir teldu að neyðarstig væri á öllu landinu út af jarðhræringunum á Reykjanesi og hefur ef til vill dregið úr bókunum af þeim sökum. Nú virðist vera að skila sér betur að það sé óhætt að heimsækja landið og það er gott.“
Steingrímur nefnir að því sé ekki að neita að Ísland sé orðið dýrt land og margir þurfi að hugsa sig tvisvar um áður en þeir velja það til að ferðast um. „Það er ekki ólíklegt að umsvif ferðaþjónustunnar verði minni nú í sumar en undanfarin tvö sumur amk eins og staðan er núna en á móti kemur að með skemmri bókunarfyrirvara sbr í vetur, þá bindum við vonir við að þetta rétti aðeins úr kútnum, ég ætla að minnsta kosti að leyfa mér að lifa í þeirri trú og horfa bjartsýnn inní snjóhvítt sumarið,“ segir Steingrímur.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir