Ætla sér stóra hluti í framleiðslu á innlendu efni fyrir vefinn
Hjónin Jóhanna Ásdís Baldursdóttir og Örlygur Hnefill Örlygsson, hóteleigendur á Húsavík keyptu í vikunni allan búnað úr þrotabúi fjölmiðlafyrirtækisins N4 ehf. en félagið óskaði eftir gjaldþrotaskiptum í byrjun febrúar sl. eins og greint hefur verið frá.
Að sögn Örlygs hafa þau hjónin bæði mikinn áhuga á kvikmynda og sjónvarpsgerð og hafa um nokkurra ára skeið framleitt þætti og kynningarefni undir merkjum Film Húsavík.
„Maður tekur ekki svona ákvörðun einn. Það var Jóhanna sem ýtti meira á að við gerðum þetta en við höfum verið að vera búa til alls konar vídeó um nokkurt skeið,“ segir Örlygur í samtali við Vikublaðið. Hann bætir við að Film Húsavík hafi komið að ýmsum verkefnum á undanförnum árum, m.a. Óskarsherferðinni í tengslum við Netflixmyndina Fire Saga. Auk þess að framleiða efni rekur Film Húsavík leigu á upptökubúnaði og eru uppkaupin á eignum N4 liður í að útvíkka þá starfsemi. Kaupin séu þó fyrst og fremst hugsuð til að koma á fót fullkomnu upptökustúdíói á Húsavík.
„Við erum að fara setja upp lítið stúdíó sem verður ágætlega tækjum búið og hugsun okkar er sú að framleiða þætti og halda úti dagskrárgerð hér á svæðinu. Við erum ekki að fara í loftið með sjónvarpsstöð, það er ekki landslag til þess núna og kannski verður það aldrei aftur,“ útskýrir Örlygur og bætir við að vefsjónvarp sé raunhæfari kostur.
„Við teljum að það sé hægt að framleiða þætti sem fara á netið og framleiða efni eftir pöntunum fyrir áhugasama,“ segir Örlygur sem kveðst vera ræða við aðila á Norðurlandi um aðkomu og samstarf.
„Mér hefði þótt synd ef þessi tæki og búnaður hefði horfið af nærsvæðinu. Þessi stöð var vel tækjum búin, þau höfðu verið að „gíra“ sig upp á síðustu árum með flottum græjum. Ég hugsa að þetta verði ein besta aðstaðan af þessu tagi utan höfuðborgasvæðisins sem við erum að koma upp hérna,“ segir Örlygur.
„Við keyptum af þrotabúinu allan búnað sem stöðin átti, í raun allt nema nafnið og dagskrárefnið. Svo erum við búin að ræða við ýmsa aðila á Norðurlandi um samstarf, m.a. Ingimar Björn Davíðsson frá Akureyri,“ segir Örlygur en Ingimar starfað undan farin ár sem tæknistjóri í útsendingum í Bandaríkjunum . Hann hefur m.a. séð um stórar útsendingar hjá ESPN sjónvarpsstöðinni.
„Við erum að skoða það að búa til einhvern flottan hóp í kringum þetta. Ég sé það ekki fyrir mér að þetta verði endilega aðalstarf en meira svona hliðarbúgrein. Vonandi eitthvað í anda leikfélagshugsjónarinnar. Hópur fólks að búa til skemmtilegt og áhugavert efni. Nú er ég að setja upp leikhúsið og þá þarf bara að finna eitthvað til að setja á fjalirnar,“ segir Örlygur að lokum.
Nýjast
-
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Lokaorðið - Sjá gegnum fingur sér
Það var komið að bóklega bílprófinu hjá unglingnum. Þá fékk hann fína bílprófssögu hjá afa Flosa. Afi tók bílprófið nefnilega þegar Willysinn kom, líklega 1947. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Þingeyskir framsóknarmenn senda Vegagerðinni tóninn
Vilja að flogið verði til Húsavíkur í sex mánuði og Dettifossvegur fái heilsársþjónustu
Athugasemdir