Aðeins fleiri rakadagar í júlí
Veðurklúbbur Dalbæjar á Dalvík hefur sent frá sér veðurspá fyrir júlí eftir fjölmennan fund á dögunum.
Í fundargerð kemur fram að veðurfræðingar Dalbæjar séu nokkuð sammála um að júlíveðrið verði með svipuðu móti og það sem júní hafði upp á að bjóða; en þó með eitthvað fleiri vætudögum og lægra hitastigi.
„Komum okkur þá að veðurspá klúbbsins, en þrátt fyrir óvenju fjölmennan fund núna og fleiri leiðir til veðurspár en oft áður þá voru félagar samt að langmestu leyti sammála um komandi júlí veður, nefnilega að mestu leyti svipaðan júlí og júní var en kannski með aðeins fleiri raka dögum og pínu minni hita hérna hjá okkur heldur en júní veðrið veitti,“ segir í fundargerð.
Þá var veðurfarið það sem af er júní til umræðu á fundinum og það sem helst var fundið að veðurfarinu var þurrkur.
„Eftir dásamlegan júnímánuð hérna á stór Dalvíkursvæðinu þá var það helst sólbruni og almennt hitaslen eftir undanförnu sjóðheitu sólardagana sem truflaði fundarstörf, en við redduðum því að vanda með svaladrykkjum til að virkja og væta betur raddböndin svo allir gætu komið sínu til skila,“ skrifaði ritari fundarins og hélt áfram:
„Við veltum fyrir okkur hvort undanfarin júní hafi mögulega verið óvenju þurr og sólríkur, en þess ber að geta að það var Skagfirðingur sem velti þeim spurningum upp og því ekki endilega víst að hann þekki svona veðurblíðu úr sínum gömlu heimahögum frekar en Mýramenn til dæmis.“
Klúbbmeðlimir Dalbæjar hafa notast við alls konar þjóðlegar aðferðir við að spá fyrir um veður, aðferðir sem gefist hafa vel í gegnum aldirnar.
„En að þessu sinni fengum við í viðbót við lestur í ný tungl, tilfinningar og fleira, spá frá annars konar spákonu sem við vonum að komi áfram á fundi með sínar upplýsingar,“ segir í fuundargerðinni.
---
Að lokum vildu veðurfræðingar Dalbæjar koma á framfæri beiðni til lesenda:
„Endilega sendið okkur skemmtilegar veðurvísur sem við gætum fengið að nota með fundargerðunum svo hirðskáldið sé ekki eitt um að það og síkreistandi úr sér einhvern leirburð.“
Á fundinn þar sem júlíspáin var rædd voru eftirfarandi mætt:
Mætt voru, Haukur Haraldsson, Bergur Þór Jónsson, Hörður Kristgeirsson, Magnús Gunnlaugsson, Jón Garðarsson, Guðrún Ágústa Ólafsdóttir, Ásgeir Stefánsson, Sigríður Björk Hafstað, Guðrún Skarphéðinsdóttir, Þorgerður Sveinbjarnardóttir, Sigurlaug Gunnlaugsdóttir, Kristján Loftur Jónsson og Þóra Jóna Finnsdóttir.
Nýjast
-
Fór að hekla á meðan hann var fótbrotinn
„Þetta var skemmtilegt verkefni og veitt mér mikla gleði,“ segir Kormákur Rögnvaldsson hársnyrtinemi sem dundaði sér við það að hekla heilmikið dúlluteppi, með 187 dúllum, 10X10 að stærð hver. Ástæða þess að hann hóf að hekla teppið var sú að hann fótbrotnaði og þegar fóturinn þarf hvíld er best að nýta hendurnar til að gera eitthvað uppbyggilegt á meðan brotið grær. -
Hreyfiglöð handboltakempa og lektor í lífeðlisfræði
Vísindafólkið okkar er mánaðarleg kynning á vísindafólkinu okkar. Vísindamanneskjan í apríl er Nanna Ýr Arnardóttir, lektor í lífeðlisfræði við Hjúkrunarfræðideild. Nanna Ýr hefur ofurtrú á hreyfingu sem forvörn hverskonar og hefur með það að leiðarljósi aflað sér yfirgripsmikillar þekkingar á því sviði. -
Rekstur Norðurorku skilaði 629 milljón króna hagnaði
Rekstur Norðurorku gekk vel á liðnu ári. Ársvelta samstæðunnar var 5 milljarðar króna. Hagnaður ársins var 629 milljónir króna eftir skatta, eigið fé er 10 milljarðar króna. Á aðalfundi félagsins fyrr í vikunni var ákveðið að ekki verði greiddur arður af hlutafé. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og NORAK ehf. -
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum.
Athugasemdir