Akureyringar svekktir með jafntefli gegn toppliðinu
Botnliðið í Olís-deild karla í handbolta, Akureyri handboltafélag missti unninn leik niður í jafntefli gegn toppliði Aftureldingar í Mosfellsbæ í dag. Leikurinn endaði 23-23.
Akureyringar mættu ákveðnir til leiks og voru með yfirhöndina mest allan leikinn, þar til á loka mínútunum, þegar Afturelding náði að jafna. Hálfleikstölur voru 13-8, norðanmönnum í vil og náðu Akureyringar sex marka forystu snemma í seinni hálfleik.
Akureyringar börðust vel í leiknum og spiluðu frábæran varnarleik, Tomas Olason var einnig góður í markinu. Akureyringar urðu fyrir áfalli í fyrri hállfleik þegar skytta liðsins Karolis Stropus fór meiddu af velli og kom ekkert meira við sögu. Óttast er að hann sé með slitna hásin og bætist Stropus því á langan meiðslalista Akureyringa.
Lokatölur urðu sem fyrr segir 23-23 og var þetta fimmti leikur Akureyringa án taps. Akureyringar lyftu sé loks upp af botninum og eru í níunda og næstsíðasta sæti með 9 stig. Stjarnan er á botninum með 9 stig einig en lakara markahlutfall, en eiga leik til góða. Fram er einnig með 9 stig í áttunda sæti og spennan því gríðarleg í neðri hluta deildarinnar. Afturelding er sem fyrr á toppnum, nú með 19 stig, þremur stigum meira en Haukar í öðru sæti.
Markahæstir í liði Akureyrar voru Kristján Orri Jóhannsson og Mindaugas Dumcius með sex mörk hvor.
Árni Bragi Eyjólfsson var markahæstur Aftureldingarmanna með átta mörk.
Næsti leikur Akureyringa er heimaleikur á fimmtudag gegn Selfossi og verður fróðlegt að sjá hvort Akureyringar verði áfram ósigraðir sjötta leikinn í röð.
Nýjast
-
KA vann bæjarslaginn
KA vann Þór í úrslitaleik Kjarnafæðismótsins 6-5 eftir vítaspyrnukeppni. Óhætt er að segja að leikurinn hafi verið tvískiptur, Þór yfirspilaði KA í fyrri hálfleik og uppskáru tvö mörk sem Sigfús Fannar Gunnarsson og Aron Ingi Magnússon skoruðu og fóru því með verðskuildaða forustu í hálfleik. -
Þórsstúlkur heiðraðar
Aðalstjórn Þórs notaði tækifærið sem gafst í kvöld í hálfleik í viðreign karlaliðs Þórs við Skallagrím í 1 deild Íslandsmótsins í körfubolta og heiðraði silfurhafa helgarinnar kvennalið félagsins og þjálfarateymi. Sannarlega vel til fundið og óhætt að segja að liðið hefur gert heilmikið í því að koma Þór á kortið. Þórir Tryggvason var auðvitað í Höllinni og gaukaði þessari mynd að vefnum. -
Ekki að sinni en það koma dagar
Nú er ný lokið bikarúrslitaleik kvenna í körfubolta þar sem Þórstelpur mætttu liði Kelfavikur. Það var lið Keflavikur sem sigraði 89 – 67, staðan í hálfleik var 46 – 34 fyrir Keflavik og 16 bikarmeistaratitill félagsins staðreynd. -
Þórsstelpur leika til úrslita í VÍS bikarnum í körfubolta
Lið Þórs tryggði sér sæti í úrslitaleik bikarkeppni KKÍ í kvöld þegar þær lögðu sterkt lið Grindavíkur með 79 stigum gegn 75 stigum Grindavikurstelpna í hörkuleik sem fram fór Laugardalshöllinni. -
Körfubolti: Sögulegur dagur hjá Þórsliðinu!
Kvennalið Þórs í körfubolta mætir liði Grindavíkur í undanúrslitum VÍS-bikarkeppninnar í Laugardalshöllinni í kvöld. Leikurinn hefst kl. 20. -
Liðstyrkur til KA í handboltanum
Heimasíða KA tilkynnti í morgun að Bjarni Ófeigur Valdimarsson 25 ára gamall leikmaður með þýska liðinu GWD Minden hafi skrifað undir þriggja ára samning við handknattleiksdeild KA. Bjarni sem leikur i stöðu vinstri skyttu er jafnframt öflugur varnarmaður og ljóst að hann verður mikill liðstyrkur fyrir KA. -
Góður árangur í bogfimi og æ fleiri iðkendur
Akureyringar, innan Íþróttafélagsins Akurs halda áfram að gera það gott í bogfiminni, þeir komu heim með þrjá Íslandsmeistaratitla, 5 silfur og 4 brons og 1 Íslandsmet á Íslandsmótum ungmenna um liðna helgi. -
Höldur-Bílaleiga Akureyrar styður Íþróttakarl Akureyrar
Höldur-Bílaleiga Akureyrar hefur gert styrktarsamning við einn fremsta hlaupara Íslands, Baldvin Þór Magnússon. Baldvin er einn allra sterkasti millivegalengda- og langhlaupari sem Ísland hefur átt. Hann hefur náð framúrskarandi árangri á undanförnum árum í hlaupum frá 1.500 metra og upp í 10 kílómetra hlaup. Hann á sem stendur fjórtán virk Íslandsmet, sex í yngri aldursflokkum og átta í flokki fullorðinna. -
Íslandsmeistaramótið í bogfimi - Íþróttafélagið Akur með 13 verðlaun
Íslandsmeistaramót í bogfimi var haldið nýverið í Bogfimisetrinu í Reykjavík, 11 iðkendur úr ÍF Akri voru skráðir til keppni í öllum fjórum bogaflokkum og 4 lið. Vel gekk á mótinu en helstu niðurstöður eru þær að Anna María Alfreðsdóttir fékk tvö gull, Alfreð Birgisson fékk einnig tvö gull og eitt silfur, Georg Rúnar Elfarsson kom heim með brons. Izaar Arnar Þorsteinsson fékk silfur. Jonas Björk fékk tvö gull og Rakel Arnþórsdóttir silfur. Aðstaða félagins sem opnuð var á liðnu hausti hefur breytt miklu fyrir ÍF Akur, en það má m.a. merkja á ánægju þeirra sem stunda íþróttina og mæta á æfingar, en einnig á þátttöku á mótum og þeim fjölda verðlauna sem félagsmenn koma með heim að þeim loknum. Nú um helgina verður Íslandsmót ungmenna þar sem Akur á nokkrar keppendur sem flestir eru á leið á sitt fyrsta mót.
Athugasemdir