Fréttir

Júlía Margrét Birgisdóttir er einstæð þriggja barna móðir á Húsavík sem nýlega stofnaði Facebook síðu fyrir sjónrænt skipulag sem hefur sprungið út og telur í dag um 4500 fylgjendur. Júlía á tvo syni og eina dóttur en synir hennar eru báðir geindir með einhverfu. Blaðamaður Vikublaðsins ræddi við hana á dögunum um áfallið við að komast að því að drengirnir væru með einhverfu og verkefni hennar að temja þeim sjálfstæði í daglegum athöfnum. Júlíu er ágætlega lýst sem hlýrri og líflegri ungri konu sem er svolítið eins fiðrildi með sitt leikandi augnaráð, litríka persónuleika og bros sem minnir á sumarið. Hún starfar á leikskólanum Grænuvöllum á Húsavík og er í sérkennsluteymi leikskólans. Reynsla hennar og þekking á sjónrænu skipulagi nýtist henni afar vel í starfinu og nú eru um 4500 landsmenn sem nota ráð hennar á Facebook-síðunni sem hún stofnaði í fyrstu bylgju Kófsins. „Ég var að „trilla“ í leikskólanum. Ég mátti ekki fara inn á deildir og sá um að labba með matarvagna að deildum, sótthreinsa alla snertifleti og sjá til þess að duglega starfsfólkið fengi kaffisopa. Ef eitthvað vantaði þá redduðu trillur því. Inn á milli var ég með aðstöðu í salnum til að sinna verkefnum tengd jákvæðum aga og margt fleira. Einn daginn var ég að gera hugmynd að sjónrænu skipulagi og fannst það geta hjálpað mörgum og byrjaði á því að setja skipulagið inn á like-síðu leikskólans,“ útskýrir Júlía og bætir við að hún hafi strax fundið fyrir miklu þakklæti frá foreldrum.

Eins og kunnugt er hefur öllum sundstöðum á landinu verið lokað vegna sóttvarnaaðgerða stjórnvalda og er Sundlaugin á Húsavík þar engin undantekning. Tíminn hefur verið nýttur til þarfra verka en viðgerði á snjóbræðslulögnum við inngang sundlaugarinnar stendur nú yfir. Lögnin var einfaldlega ónýt, með tilheyrandi slysahættu eins og í ljós kom síðasta vetur. Lagnirnar voru einfaldlega stíflaðar þannig að það var aðeins eitt í stöðunni en það var að setja niður nýja hitalögn. Þá þarf maður einfaldlega að stroka út það sem er á blaðinu og byrja upp á nýtt,“ segir Kjartan Páll Þórarinsson, íþrótta og tómstundafulltrúi Norðurþings í samtali við Vikublaðið.

Tjörnesingurinn Heiðar Hrafn Halldórsson hefur verið áberandi í hlaupasenu Húsavíkur um all nokkurt skeið en hann er ein af aðalsprautunum í Hlaupahópnum Skokka þar í bæ en hann byrjaði að æfa hlaup árið 2009. Hann hefur líka farið fyrir almenningsíþróttadeild Völsungs og haldið fjölda fyrirlestra um hlaup og heilbrigðan lífsstíl. Þá var hann valinn íþróttamaður Völsungs árið 2019. Almenningsíþróttir hafa spilað lykilhlutverk við að bæta geðheilsu bæjarbúa í Covid-19 faraldrinum og því við hæfi að Heiðar Hrafn sé íþróttamaður Vikunnar. Heiðar Hrafn segir að hlauðasportið hafi óvart orðið fyrir valinu. „Fann mig aldrei til fullnustu í hópíþróttum á unglingsaldri og þurfti svo í kjölfarið eitthvað nýtt inn í líf mitt til þess að halda grunnþreki. Kunni strax vel hlaupasportið þar sem árangur og ástundun er algjörlega undir manni sjálfum komið. Útiveran gaf ósvikna vellíðan og maður fór að upplifa umhverfið í kringum sig á annan hátt.“

Þorsteinn Snævar Benediktsson bruggmeistari og eigandi Húsavík öl hefur ekki setið auðum höndum þrátt fyrir að honum hafi verið gert að loka gestastofu sinni vegna samkomutakmarkana sem nú eru í gildi. Húsavík öl hefur verið valin til að keppa fyrir hönd BrewDog Reykjavík á stórri bjórhátíð sem fer fram um allan heim síðar í þessum mánuði. Einhver áhrif hlýtur kófið samt að hafa haft á starfsemina? „Ég hef alveg hægt á en ég var í raun og veru það heppinn að ég hafði vit á því í júlí að fylla húsið af hráefnum, þannig að ég á allt til bjórgerðar. Við höfum svona verið að brugga bjóra sem ég hef alla jafna ekki tök á því að brugga mikið af.

Ekki er gert ráð fyrir því að strætó gangi frá flugvellinum í nýju leiðarkerfi strætó hjá Akureyrarbæ.

Þekkingarnet Þingeyinga hefur brugðið á það ráð að bjóða íbúum svæðisins og landsmönnum öllum upp á lifandi streymi listafólks á föstudagsmorgnum á meðan samkomutakmarkanir eru í gildi til þess að létta fólki lund á þessum undarlegu tímum.

Skammtíma-og frístundaþjónusta fyrir fatlaða opnaði aftur á mánudaginn

Eyrnamerkt þróun starfsmenntunar á sviði fiskeldis

Skipulagsstofnun gerir nokkrar athugasemdir við fyrirhugaða háhýsabyggð á Oddeyrinni á Akureyri

Félag verslunar- og skrifstofufólks Akureyri og nágrenni 90 ára

Unnið er að því að flytja leghálsskimanir á Heilsugæslustöðina á Akureyri.

Lífshlaup Bjarna Hafþórs Helgasonar er fyrir löngu orðið merkilegt enda hefur hann yljað landsmönnum í gegnum tíðina með hnyttni sinni, húmor og æðruleysi á hverjum þeim vettvangi sem hann gefur lagt fyrir sig. Hann hefur marga fjöruna sopið en fyrir um tveimur árum síðan greindist hann með Parkinsons-sjúkdóminn. Því verðuga verkefni hefur hann mætt eins og honum einum er lagið með jákvæðni og æðruleysi, Blaðamaður Vikublaðsins ræddi við hann um áskoranir og sigra á lífsleiðinni.