Vinna við gerð fjárhagsáætlunar Akureyrarbæjar hafin
„Þetta er verðugt verkefni að glíma við og verður örugglega erfitt að púsla þessu saman, við gerum okkar besta og reynum að hugsa sem mest í lausnum en ekki að þetta sé vandamál," segir Geir Kristinn Aðalsteinsson forseti bæjarstjórnar. Stjórnendur eru þessa dagana að skoða hvar hægt er að hagræða í rekstri sinna deila og munu skila tillögum innan tíðar en Geir Kristinn segir að á þeim hvíli sú skylda að leita allra leiða til að hagræða í rekstri. Hagræðingarkröfu upp á 200 milljónir króna í rekstri bæjarins á næsta ári hafi nýr meirihluti hlotið í arf frá fyrri bæjarstjórn og verði að vinna sem best úr því. „Ofan á þetta koma svo þau tíðindi að tekjur bæjarins eru mun minni á síðari hluta þessa árs en áætlanir gerðu ráð fyrir og það bil þurfum við að brúa líka. Geir Kristinn segir að menn leiti nú leiða til að auka tekjur bæjarins og vonast til að sjá eitthvað gerast í þeim efnum fljótlega. Meðal þess sem til skoðunar er á vegum meirihlutans er hvort unnt verði að flýta einhverjum framkvæmdum sem voru á áætlun 2013 og 2014, „til að koma atvinnulífinu í gang og við eigum von á tillögum varðandi það á næstunni." Brýnt sé að fá hjól atvinnulífsins til að snúast hraðar, „enda teljum við það skyldu okkar þegar svona árar."
Geir Kristinn segir að sá niðurskurður sem við blasi í rekstri bæjarins sé ekki flatur, heldur verði grunnstoðum, félagsþjónustu og skólamálum hlíft umfram aðra. Hann getur þess einnig að á næsta ári komi af fullum þunga inn rekstrarkostnaður vegna tveggja nýrra bygginga, Menningarhússins Hofs og fimleikahúss við Giljaskóla. „Við verðum að ganga hraustlega til verks," segir hann „en við munum í lengstu lög forðast að grípa til uppsagna." Þá nefnir hann að gert sé ráð fyrir að meiri- og minnihluti í bæjarstjórn vinni saman að gerð fjárhagsáætlunar líkt og gert var í fyrra og tókst vel.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
