Vill efna til íbúakosningar um vindmyllugarð á Hólaheiði
Kolbrún Ada Gunnarsdóttir, forseti sveitarstjórnar Norðurþings segir í samtali við Vikublaðið að hún vilji kanna betur vilja íbúa sveitarfélagsins til vindorkuvers á Hólaheiði sem Qair Iceland ehf. hyggst reisa; áður en aðalskipulagi verði breytt.
Hún lagði fram tillögu á fundi byggðarráðs um að breyting á aðalskipulagi vegna vindorkuversins verði frestað þar til umhverfismati er lokið.
„Umfjöllun sveitarstjórnar Norðurþings um skipulagsbreytingar í tengslum við orkuverið verði frestað þar til umhverfismati er lokið að fullu. Með þeim hætti verði málsmeðferð best háttað enda liggja þá niðurstöður ítarlegra rannsókna, upplýsingaöflunar og opinbers samráðs fyrir áður en sveitarstjórn tekur sínar veigamiklu stefnumarkandi ákvarðanir um landnýtingu í gegnum Aðalskipulag. Sveitarstjóra er falið að gera þegar í stað þær ráðstafanir sem þarf til þessa,“ segir í tillögu Kolbrúnar Ödu.
Skeptísk á framkvæmdirnar
„Það hefur ekki dulist að ég er mjög skeptísk á þessar framkvæmdir,“ segir Kolbrún og bætir við að henni þyki of geyst farið fram að breyta aðalskipulagi. „Það finnst mér vera mjög stór breyting sem er mjög stefnumarkandi fyrir sveitarfélagið. Þegar ég fór að lesa mér til og kynna mér athugasemdir frá íbúum, þá fannst mér við ekki alveg vera á réttri leið. Mér fannst að við þyrftum að eiga samtal við íbúana og skoða þetta betur út frá því. Sveitarfélagið hefur ekkert markað sér stefnu í þessum málum. Mér finnst þetta full stórt skref að breyta aðalskipulagi á þessum tímapunkti í ferlinu. Það er yfirleitt endapunktur á svona ferli,“ útskýrir hún.
Þá segir Kolbrún Ada að ekki séu teikn á lofti um að framkvæmdirnar muni skapa atvinnu á svæðinu. „Ég get ekki séð það miðað við þær upplýsingar sem liggja fyrir. Þetta er hvorki að fara að auka atvinnu og það er ekkert tryggt að orkan verði nýtt á svæðinu. Við höfum í raun og veru enga aðkomu að þessu. Það er ekkert í samningnum að framkvæmdaaðilar [Qair Iceland ehf] verði að gera það,“ segir hún og bætir við að hún finni fyrir andstöðu frá íbúum. „Mér finnst eftir að hafa heyrt í íbúum að það sé meiri andstaða við þetta en var í upphafi.“
Byggðarráð tekur undir
Byggðarráð tekur undir áhyggjur Kolbrúnar Ödu en frestaði afgreiðslu tillögu hennar fram í ágúst. „Byggðarráð tekur undir þær áhyggjur sem birtast í framlagðri tillögu enda ljóst að málið er umdeilt. Skipulags- og framkvæmdaráð hefur haft til umfjöllunar athugasemdir sem borist hafa og gefa þær tilefni til frekari gagnaöflunar meðal íbúa á svæðinu, áður en lengra er haldið. Sveitarstjóra er falið að efna til íbúakönnunar um afstöðu til fyrirhugaðra breytinga á aðalskipulagi m.t.t. uppbyggingar vindorkuvers, þannig að niðurstöður liggi fyrir við afgreiðslu tillögu Kolbrúnar Ödu í ágúst. Þá er sveitarstjóra falið að upplýsa væntanlega framkvæmdaaðila um framkomna tillögu og stöðu málsins,“ segir í bókun ráðsins.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir