„Við hlökkum til að tengjast, kynnast og læra“
Dagana 1. – 3. maí fór fram árleg ráðstefna STEM Learning Ecosystems starfssamfélagsins (SLE Community of Practice) sem haldin er af TIES (Teaching Institute for Excellence in STEM) í Flórída í Bandaríkjunum. Starfssamfélagið samanstendur af 111 námsvistkerfum sem deila reynslu, aðferðum og niðurstöðum sín á milli. STEM Húsavík var í hópi 9 nýrra námsvistkerfa sem tekin voru formlega inn í starfssamfélagið á ráðstefnunni. Með námsvistkerfi er átt þá fjölbreyttu anga samfélgasins sem STEM bindur saman; Skóla, atvinnulíf, fræðasamfélagið og ekki síður náttúruna sjálfa.
„Það er mikill heiður að hafa verið valin til að vera hluti af STEM Learning Ecosystems starfssamfélaginu og vera loksins komin á kortið, að ekki sé tala um að vera fyrst á Norðurlöndunum og N-Evrópu,“ segir Huld Hafliðadóttir forstöðukona STEM Húsavík.
Mf: Spennandi tímar framundan
Hún segir spennandi tíma framundan. „Við hlökkum til að tengjast, kynnast og læra af hinum 110 námsvistkerfunum sem byggja samfélagið.“
STEM Húsavík verður á næstu vikum tengt við annað námsvistkerfi sem mun gegna leiðsagnarhlutverki (mentor) fyrstu misserin. „Við bíðum spennt eftir að fá að tengjast inn í þennan litríka og fjölbreytta heim,“ segir Huld.
Flest námsvistkerfin starfa vítt og breytt um Bandaríkin, en þeim hefur undanfarin ár fjölgað jafnt og þétt utan Bandaríkjanna og er nú að finna SLE námsvistkerfi í Kanada, Mexíkó, Kenýu og Ísrael ásamt Íslandi. Námsvistkerfin ná samanlagt til yfir 42 milljóna skólabarna á leik- og grunnskólaaldri og eru yfir 900.000 kennarar og leiðbeinendur hluti af því.
Stíga risaskref
„Þetta er mjög stórt skref fyrir okkur, við erum að tengjast starfssamfélagi yfir 100 annarra námsvistkerfa sem hvert og eitt samanstendur af fjölbreyttum geirum og stoðum innan hvers samfélags. Flest hafa byggst upp í Bandaríkjunum en við erum núna að sjá starfssamfélagið verða alþjóðlegra og erum t.d. orðin hluti af sérstökum alþjóðahópi innan SLE starfssamfélagsins sem kemur til með að hittast mánaðarlega. Þannig fáum við að taka þátt í að móta alþjóðlegu vinnuna við þetta og á sama tíma fáum við aðgang að og fáum tækifæri til að læra af þeim allra reynslumestu í þessum bransa. Og þegar ég á við þennan bransa þá er það samfélagsmiðuð STEM námsvistkerfi. En rannsóknir hafa sýnt að þegar fleiri standa á bakvið menntun hvers einstaklings, svo ég tali nú ekki um heilt þorp, þá verður bæði menntunin og skilningurinn dýpri og einstaklingurinn öðlast fleiri og fjölbreyttari möguleika til framtíðar,“ segir Huld að lokum.
Fagna ársafmæli
STEM Húsavík fagnar eins árs starfsafmæli núna í maí og verður opinn hádegisfundur föstudaginn 19. maí í Hraðinu á Stéttinni þar sem Huld fer yfir starfsemina síðastliðið ár, segir frá tilurð, markmiðum og framtíðarsýn.
Nýjast
-
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins. -
Nýr formaður ÍBA Jóna tekur við af Geir
Jóna Jónsdóttir er nýr formaður Íþróttabandalags Akureyrar. Hún tók við embættinu af Geir Kristni Aðalsteinssyni sem verið hafði formaður í 10 ár. Ársþing ÍBA var haldið á dögunum. -
Hagnaður KEA 787 milljónir króna
Á aðalfundi félagsins sem fram fór í gærkvöldi kom fram að 787 milljóna króna hagnaður varð af rekstri félagsins á síðasta ári. Hreinar fjárfestingatekjur voru 1.057 milljónir króna og hækkuðu um 290 mkr. á milli ára. Eigið fé var rúmir 9,5 milljarðar og heildareignir námu rúmum 9,8 milljarði króna. Eiginfjárhlutfall var rúmlega 97%. -
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí
Athugasemdir