Verslunarfólk á Akureyri ánægt með jólaverslunina
„Við erum mjög sáttir," segir Sigmundur Sigurðsson verslunarstjóri í Byko en þar hefur jólaverslun gengið vel og betur en í fyrra. „Þetta hefur gengið betur en við áttum von á og það er ánægjulegt, það virðist sem barlómur og krepputal hafi ekki skilað sér hingað," segir hann. „Við erum mjög ánægðir með okkar viðskiptavini. Mér finnst fólk hugsa öðruvísi en fyrir kreppu, 2006 og 2007 var meira óðagot, fólk keypti vörur en var ekki endilega að velta því svo mikið fyrir sér hvað það keypti. Það er rólegra yfirbragð núna, menn spá í hlutina áður en þeir eru keyptir, verð og gæði og annað." Sigmundur nefnir að sala á sjónvörpum hafi gengið mjög vel og langt umfram væntingar. „Það er greinilegt að fólk vill hafa það gott heima hjá sér, hefur ef til vill dregið úr því að sækja skemmtanir og fara til útlanda."
Óðinn Svan Geirsson verslunarstjóri í Bónus við Langholt tekur í sama streng og segir fólk úr nágrannabyggðum mikið vera á ferðinni þó veðrið hafi ekki alltaf verið til friðs. „Það hefur gengið mjög vel hjá okkur, það er meiri verslun en var til dæmis fyrir jólin í fyrra," segir hann. „Mér sýnist sem Akureyringar og nærsveitamenn hafi uppgötvað núna að þeir fóru ekki eins illa út úr kreppunni og t.d. höfuðborgarbúar."
Þórhalla Þórhallsdóttir verslunarstjóri í Hagkaup segir að mikið hafi verið um að vera í versluninni liðna daga. „Það hefur verið mikið að gera allan desember og þetta gengur mjög vel," segir hún. „Við erum ótrúlega ánægð með hversu vel hefur gengið, verslunin er meiri en í fyrra og það virðist sem fólk láti krepputal ekki á sig fá, en vissulega sjáum við að margir velja ódýrari vöru umfram þá dýrari. Við höfum reyndar lækkað verð á okkar vörum til að koma til móts við okkar viðskiptavini og það hefur greinilega mælst vel fyrir." Þórhalla segir að mikið hafi verið um utanbæjarfólk í versluninni og það hafi ekki látið snjókomu trufla ferðir sína fyrir jólin. „Þetta eru harðjaxlar sem búa hér í kringum okkur og láta ekkert stoppa sig," segir hún.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.