Verndun og virðing fyrir náttúrunni hefst með því að hlusta
Myndlistasýning Rakelar Hinriksdóttur, 'Öðruvísi orð' verður opnuð á bókasafni Háskólans á Akureyri á fimmtudaginn 1.október kl. 16-18
Myndlistasýning Rakelar Hinriksdóttur, 'Öðruvísi orð' verður opnuð á bókasafni Háskólans á Akureyri á fimmtudaginn 1.október kl. 16-18. Í hjarta sýningarinnar er frásögn af ferðalagi á norðurhálendi Íslands, þar sem manneskja á í samtali við ósnortna náttúru.
Rakel hefur verið skálavörður í Drekagili í Dyngjufjöllum og heillaðist strax af hálendinu, tímaleysinu og víðáttunni. Hér er hún fyrir framan Fjólubúð, skála Ferðafélags Akureyrar í Dreka.
Myndverkin eru tilraun til þess að lýsa því á sjónrænan hátt, hvernig samtal án orða lítur út. Eins og í töluðum orðum, liggur meiningin í einhverju huglægu rými þar sem skilningur listamannsins og áhorfandans mætast.
„Við erum svo upptekin af okkar útgáfu af tilverunni,“ segir Rakel. „Okkar skilningi, forgangi og þörfum. Við horfum á náttúruna og veltum fyrir okkur hvernig við getum nýtt hana mannfólki til handa, í staðinn fyrir að hlusta og skilja. Víðerni Íslands eru ómetanleg dýrmæti sem við verðum að bera virðingu fyrir og standa vörð um. Sýningin er ein leið til þess að minna á, hversu einstakt það er að finna sig heima í náttúrunni.“
Rakel Hinriksdóttir er listakona, landvörður, fjölmiðlakona, grafískur hönnuður og formaður SUNN, Samtaka um náttúruvernd á Norðurlandi. Fjörtíu ára reynsla af því að eiga í samtali við tilveruna, áhugi og ást fyrir náttúrunni og einlægur vilji til þess að hlusta á hana, kristallast í sýningunni. „Verndun og virðing fyrir náttúrunni hefst með því að hlusta,“ segir Rakel.
Öll eru velkomin á sýningaropnunina, en léttar veitingar verða í boði. Sýningin er svo áfram opin á opnunartíma bókasafnsins út októbermánuð.
Mynd af verkum: Verkin á sýningunni eru máluð með blek
Nýjast
-
Öflugt atvinnulíf þarf gott aðgengi að lóðum
Meirihluti Framsóknar, Sjálfstæðisflokks og L-lista lagði ríka áherslu á atvinnumál í málefnasamningi sínum og hluti af því er að tryggja nægt framboð atvinnulóða. -
Margréti EA-710 seld
Samherji hefur selt uppsjávarskipið Margréti EA-710. Skipið hefur verið afhent kaupanda í Færeyjum þetta kemur fram á samfélagssíðum félagsins. -
Verndun og virðing fyrir náttúrunni hefst með því að hlusta
Myndlistasýning Rakelar Hinriksdóttur, 'Öðruvísi orð' verður opnuð á bókasafni Háskólans á Akureyri á fimmtudaginn 1.október kl. 16-18. Í hjarta sýningarinnar er frásögn af ferðalagi á norðurhálendi Íslands, þar sem manneskja á í samtali við ósnortna náttúru. -
Listrænar og menningartengdar hafrannsóknir í Hvalasafninu á Húsavík
Það verður mikið um að vera næstu helgi á Hvalasafninu og Stéttinni á Húsavík. Laugardaginn 3. október klukkan 17 opnar samsýningin Undir þar sem sjá má listrænan afrakstur hafrannsóknarleiðangra í kringum jarðhitasvæði Norður-Atlantshafshryggsins -
Þór og KA og ÞórKA
Í sumar hafa öll þrjú knattspyrnufélög bæjarins verið í efstu deild, Þór og KA hjá körlum og Þór/KA hjá konunum. -
Handlék 80 ára gamla vinnubók föður síns
Á annað hundrað manns mætti á minningarmálþing um Ara Brynjólfsson kjarneðlisfræðing frá Krossanesi sem fram fór í Kvosinni s.l.sunnudag Í ár eru 100 ár liðin frá fæðingu Ara en hann útskrifaðist frá MA vorið 1948. Berglind Ásgeirsdóttir fyrrverandi sendiherra átti hugmyndina að málþinginu en faðir hennar hóf nám við skólann sama ár og Ari lauk námi sínu. -
Ráðherra ítrekar mikilvægi norðurslóðastofnana og þekkingarsamfélagsins á Akureyri
Nýr samstarfssamningur Norðurslóðanetsins og utanríkisráðuneytisins eflir enn frekar Norðurslóðamiðstöð Íslands -
Landsbyggðin skapar verðmætin – nú þarf arðurinn að skila sér heim
39. þing Alþýðusambands Norðurlands skorar á stjórnvöld að standa vörð um landsbyggðina, sem er ein af hornsteinum íslensks efnahagslífs. -
Læsið eflt skref fyrir skref
Kennarar í Borgarhólsskóla hlutu viðurkenningu sem framúrskarandi Byrjendalæsiskennarar
