Vantar um 40 leikskólarými á Akureyri næsta haust
Ljóst er að Akureyrarbæ skortir leikskólarými eða nýjar deildir nú og til framtíðar en til að náist að innrita börn sem náð hafa 12 mánaða aldri í lok næsta sumars, 31. ágúst 2023 vantar um það bil 40 leikskólarými miðað við stöðuna eins og hún er núna.
Heimir Örn Árnason formaður fræðslu- og lýðheilsuráðs segir að á liðnu hausti hafi staðan verið með ágætum og ekki skortur á leikskólarýmum á Akureyri, en breytingar gerist oft á undraskömmum tíma. Það gildi um öll sveitarfélög, ekki bara höfuðstað Norðurlands.
Niðurstaða í lok febrúar
Hann segir fræðslu- og lýðheilsuráð muni nú á næstu vikum fara gaumgæfilega í saumana á málinu. “Það eru þrjár til fjórar færar leiðir til að leysa málið, við munum skoða þær á næstu vikum og stefnum á að niðurstaða liggi fyrir í lok febrúar næstkomandi. Í framhaldinu verður unnið eftir þeirri niðurstöðu og allt gert til að bæta úr þannig að ekki verði skortur á leikskólaplássi næsta haust,” segir hann.
Ákvörðun hefur verið tekin um að næsti nýi leikskóli á Akureyri verði í Hagahverfi, á svæði milli hverfisins og Nausta. Heimir Örn segir að sú staðsetning sé ákjósanleg en m.a. verði hægt að samnýta eldhús með Naustaskóla sem auki á hagkvæmni. Þá segir hann að huga þurfi að endurbótum á eldra húsnæði og í undirbúningi sé að vinna að endurbótum á tveimur leikskólum, Lundarseli og Pálmholti.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir