Uppsveifla í gangi og allir hafa næg verkefni
„Staðan er góð, almennt hafa allir næg verkefni núna og sjá sem betur fer vel fram í tímann sem er mikill kostur,“ segir Heimir Kristinsson varaformaður Byggiðnar um stöðu á byggingamarkaði á Akureyri. Mörg stór verkefni eru fram undan á næstu misserum og óvenjumikið byggt af íbúðum. Það gildir bæði um Akureyri og nágrannasveitarfélög.
Heimir Kristinsson varaformaður Byggiðnar. „Staðan er góð, almennt hafa allir næg verkefni núna og sjá sem betur fer vel fram í tímann sem er mikill kostur,“ segir hann um stöðu á byggingamarkaði á Akureyri.
Alls var samþykkt 171 fullbúin íbúð á Akureyri á nýliðnu ári og voru íbúðir í bænum alls 8882 í lok ársins að því er fram kemur í gagnagrunni Hagstofu Íslands. Árið á undan voru samþykktar íbúðir 204 talsins. Íbúum bæjarins fjölgaði um ríflega 400 manns á liðnu ári. Heimir segir að Akureyrarbær hafi um skeið ekki haft nægar lóðir í boði, „en virðist nú vera að girða sig í brók,“ segir hann.
Tvö ný hverfi eru í burðarliðnum norðar Glerárár. Holtahverfi þar sem til verður 7-800 manna hverfi austan Krossanesbrautar og verða fyrstu lóðir tilbúnir á komandi vori og þá verða hátt í 1.000 íbúðir í Móahverfi sem verið að skipuleggja norðarlega í bænum. „Það er ákveðin uppsveifla í gangi í bænum og mikið um að vera í byggingabransanum, íbúum fjölgar ekki bara á Akureyri heldur líka í nærsveitum, á Lónsbakka er mikið byggt, í Hrafnagilshverfinu og á Svalbarðströnd.“
Stór verkefni í farvatninu
Heimir segir að auk þess sé framkvæmdir af ýmsum toga í farvatni, hjúkrunarheimili, heilsugæslustöðvar og yfir standi miklar framkvæmdir við Austurbrú við miðbæ Akureyrar og „eins hafa verktakar verið að koma fram með róttækar hugmyndir um byggingu fjölbýlishúsa sem eru mjög áhugaverðar. „Það er ekkert atvinnuleysi hjá mínum félagsmönnum,“ segir hann, en innan þess eru smiðir, málara og pípulagningamenn. Hann segir að því miður komist færri en vilja til náms t.d. í húsasmíði við Verkmenntaskólann á Akureyri þar sem einungis er pláss fyrir ákveðinn fjölda.
„Þeir geta ekki tekið inn alla sem um sækja og það er miður. Tugir stráka hafa því miður þurft frá að hverfa. Sumir hafa lært í Fjölbrautarskólanum á Norðurlandi vestra á Sauðárkróki, sótt um annað nám eða farið í vinnu og bíða eftir öðru tækifæri.“ Heimir segir forsvarsmenn VMA alla af vilja gerða til að koma til móts við aukinn áhuga á byggingagreinum og m.a. boðið upp á kvöldskóla sem stútfylltist á augabragði.
/MÞÞ
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir