Umræðan um þjóðgildin heldur áfram í Glerárkirkju
Á kvöldunum er spurt hvort að þjóðgildin séu bara orðin tóm, hvort þau eigi erindi til okkar og hvort þau skipti máli. Framtakinu er ætlað að skapa umræðu um þjóðgildin sem slík, innihald þeirra og tengsl þeirra við kristna siðfræði og hefðina í landinu. Það er Eyjafjarðar- og Þingeyjarprófastsdæmi sem stendur fyrir fræðslukvöldunum í samstarfi við Glerárkirkju.
Til grundvallar umræðunni liggur bók Gunnars Hersveins ÞJÓÐGILDIN sem kom út hjá Skálholtsútgáfunni í lok síðasta árs. Bók Gunnars byggir á niðurstöðum frá Þjóðfundi 2009 þar sem reynt var að kalla fram visku fjöldans. Vert er að nefna að bókin Þjóðgildin var tilnefnd ásamt níu öðrum bókum frá liðnu ári til viðurkenningar Hagþenkis - félags höfunda fræðirita og kennslubóka. Viðurkenningarráð Hagþenkis gaf bókinni eftirfarandi umsögn: "Hógvær en beitt rökræða um þau kjölfestuhugtök og gildi sem íslensk menning þarfnast við uppbyggingu þjóðar.
Umræðukvöldunum var ýtt úr vör þann 7. febrúar síðastliðinn, en það kvöld flutti Gunnar Hersveinn erindi um þá sýn sem hann hefur á gildi almennt og þjóðgildin sér í lagi. Kvöldin hafa einkennst af lifandi og fjölbreyttri umræðu þar sem innlegg frummælenda mætir hugleiðingu einstaklings úr röðum kirkjunnar fólks. Frummælendur eru tilnefndir frá þeim flokkum og stjórnmálahreyfingum sem sæti eiga í bæjarstjórn Akureyrarbæjar. Til þess að umræðan nái til sem flestra eru framsöguerindin tekin upp á myndband og birt í heild sinni á youtube, auk þess sem flestar hugleiðingarnar eru birtar á trú.is. Samantekt frá hverju kvöldi fyrir sig má lesa á vef prófastsdæmisins, www.kirkjan.is/naust
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.