Um 90 þátttakendur á Atvinnu- og nýsköpunarhelginni á Akureyri
Agnes Sigurðardóttir fór yfir sögu Bruggsmiðjunnar.
Það er ekki hægt að segja annað en Atvinnu- og nýsköpunarhelgin, sem hófst í Háskólanum á Akureyri seinni partinn í dag, fari vel af stað. Alls eru 90 þátttakendur skráðir til leiks, eða 20 fleiri en í fyrra og í kvöld kynntu þeir til sögunnar 34 hugmyndir. Ekki verður unnið með þær allar um helgina en Sigurður Guðmundsson annar af verkefnastjórum Atvinnu- og nýsköpunarhelgarinnar, segir að flestar hugmyndirnar séu áhugaverðar. Nú er búið að skipa 12-14 vinnuhópa og því allt komið í fullan gang. Sigurður segir að það sé mikill hugur í fólki og hann á því von á góðri og árangursríkri helgi.
Kristján Freyr Kristjánsson framkvæmdastjóri Innovit setti viðburðinn kl. 18.00 í dag en í framhaldinu fluttu þau Stefán B. Sigurðsson rektor HA og Agnes Sigurðardóttir framkvæmdastjóri Bruggsmiðjunnar ávörp. Stefán sagði frá starfsemi háskólans, sem hefur þróast og stækkað gríðarlega á síðustu 25 árum. Agnes sagði frá upphafi Bruggsmiðjunnar, sem hefur einnig stækkað og dafnað frá því fyrirtækið var stofnað fyrir um 6 árum.
Strax kl. 10 í fyrramálið, laugardag, fer vinnan í HA í gang á ný og verður unnið af krafti fram á sunnudag en seinni partinn á sunnudag verða kynningar á þeim hugmyndum sem unnið hefur verið með og þær bestu verðlaunaðar.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.