„Tökum höndum saman“
Sigríður Hauksdóttir verkefnastjóri félagsþjónustu Norðurþings. Mynd: epe
Á morgun og föstudag fer fram ráðstefna á vegum Hugarafls, Norðurþings og Lifa undir yfirskriftinni „Tökum höndum saman“.
Kristján Þór Magnússon sveitarstjóri Norðurþings setur ráðstefnuna í sal Framsýnar á morgun fimmtudag kl. 13.
„Á morgun verður einblínt á geðræktarmál almennt en á föstudag ætlum við að leggja meiri áherslu á sjálfsvígsforvarnir,“ segir Sigríður Hauksdóttir verkefnastjóri hjá félagsþjónustu Norðurþings en hún var í ítarlegu viðtali hjá Vikudegi.is um geðræktarmál sem birt verður innan skamms.
Kveikjan að ráðstefnunni sem hefst á morgun var heimsókn Sigríðar til Hugarafls í júlí s.l. sem er með stærri geðræktarmiðstöðum Reykjavíkur, en Sigríður hefur verið með geðræktarmál Norðurþings á sinni könnu. Hún sá m.a. um Setrið, geðræktarmiðstöð þar til því var lokað í desember á síðasta ári. Hún brá þá á það ráð að taka starfsemi Setursins inn í Miðjuna sem einnig rekur dagþjónustu fyrir fatlaða. Hún segir það hafa gengið ótrúlega vel að samhæfa geðræktina við þá starfsemi sem fyrir var í Miðjunni, en bendir á að betur megi hlúa að geðræktinni.
„Það er draumur hjá mér að efla geðræktarstarfið í sveitarfélaginu, mér finnst við ekki vera sinna því sem skyldi,“ segir Sigríður.
Á ráðstefnunni mun Auður Axeldóttir kynna starfsemi og hugmyndafræði PIETA á Íslandi sem er sjálfsvígsforvarnamiðstöð að írskri fyrirmynd. En PIETA House á Írlandi hefur náð undraverðum árangri þar í landi í forvörnum sjálfsvíga og hlotið fjölda viðurkenningar fyrir starf sitt. PIETA House var sett á laggirnar fyrir tíu árum síðan.
Þá munu unghugar Hugarafls halda erindi og heimsækja bæði Borgarhólsskóla og Framhaldsskólann á Húsavík.
Dagskrána má sjá í heild sinni hér að neðan, en Vikudagur.is mun fjalla ítarlega um ráðstefnuna og geðræktarmál á næstu dögum og vikum.
Fimmtudagurinn 20. október
13:00-13:15 Kristján Þór Magnússon sveitarstjóri Norðurþings setur ráðstefnuna
13:15-14:00 Hugmyndafræði sem virkar; Auður Axelsdóttir
14:00-14:30 Andlegt hjartahnoð, eCPR; Einar Björnsson, Málfríður Hrund Einarsdóttir
og Auður Axelsdóttir
~Kaffihlé~
14:50-15:05 Með master í kvíða, félagsfælni og þunglyndi. Reynslusagaúr myrkrinu; Eymundur Eymundsson, Grófinni Akureyri
15:05-15:20 Vinnum saman; Hlynur Már Erlingsson
15:20-15:30 Unghugar Hugarafls; Fjóla Ólafardóttir og Magnús Guðrúnarson
15:30-16:00 Opin umræða
Föstudagurinn 21. október
10:00-12:00 Bati af geðrænum veikindum. Vinnusmiðja fyrir notendur og fagfólk; Svava Arnardóttir
10:00-12:00 Fundur með aðstandendum sem hafa misst ástvini; Auður Axelsdóttir og Benedikt Þór Guðmundsson
~Hádegishlé~
12:40-13:30 Aðstandendur: sjálfsvíg ástvina; Auður Axelsdóttir og Benedikt Þór Guðmundsson
13:30-13:40 Svefninn stutti; Guðmundur Hermann Gunnarsson
13:40-14:15 Pieta sjálfsvígsforvarnir
~Kaffihlé~
14:35-14:55 Tökum höndum saman á Húsavík; Sigríður Hauksdóttir
15:00-16:00 Pallborðsumræður
Nýjast
-
Hvatningarverðlaun Eyrarrósarinnar í Þingeyjarsveit
Verkefnið Afhverju Ekki hlaut Hvatningarverðlaun Eyrarrósarinnar 2025! Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr. -
VMA- Aldrei jafnmargir nemendur brautskráðir á einu skólaári
Alls voru brautskráðir 186 nemendur frá Verkmenntaskólanum á Akureyri við athöfn síðastliðinn laugardag. Þeir voru af tuttugu námsbrautum auk meistaranáms að loknu sveinsprófi. -
ÚA 80 ára - Gjörið svo vel, gangið í bæinn
Í tilefni af 80 ára afmæli Útgerðarfélags Akureyringa er almenningi boðið að kynna sér starfsemi ÚA við Fiskitanga á Akureyri, laugardaginn 31. maí frá klukkan 11:00 til 13:00. -
Þokkabót fagnar afmæli sínu á Græna hattinum
Rúm 50 ár eru nú liðin frá stofnun hljómsveitarinnar Þokkabótar. Fyrsta plata þeirra, Upphafið, kom út 1974. Hún vakti mikla athygli fyrir beitta texta, grípandi lög og geðgóðan flutning. Þekktasta lagið var „Litlir kassar“ og var einkennandi fyrir þá geðgóðu þjóðfélagsrýni sem einkenndi sveitina okkar á milli. -
Þingeyjarsveit - Dagbjört S. Bjarnadóttir heiðruð á aðalfundi Félags íslenskra hjúkrunarfræðinga
Þann 15. maí sl. var aðalfundur Félags íslenskra hjúkrunarfræðinga haldinn á Hilton Reykjavík Nordica. Dagbjört S. Bjarnadóttir var þar heiðruð þar sem hún hlaut hvatningarstyrk ásamt fjórum öðrum hjúkrunarfræðingum fyrir þeirra framlag í greininni. -
Kvennakórinn Embla ásamt hljómsveit flytja Messu fyrir særða jörð
Kvennakórinn Embla ásamt hljómsveit, Þórunni Ósk Marínósdóttur violuleikara og Erlu Dóru Vogler mezzosópran flytja Messu fyrir særða jörð eftir tónskáldið Ketil Björnstad og textahöfundinn Erik Hillestad. Tónleikarnir verða í Glerárkirkju sunnudaginn 1. júní kl 17. Stjórnandi er Roar Kvam. -
Alzheimersamtökin með fræðslu á Norðurlandi
Eitt af meginmarkmiðum Alzheimersamtakanna er að auka þekkingu og dýpka skilning á þeim áskorunum sem einstaklingar með heilabilun og aðstandendur þeirra standa frammi fyrir. Þau halda því reglulega fræðsluerindi víðsvegar um landið. -
,,Slökkviliðið frábær vinnustaður"
Eydís Sigurgeirsdóttir sem hefur unnið hjá Slökkviliði Akureyrar í sjö ár, er i viðtali á Fb síðu Akureyrarbæjar í dag undir liðnum Akureyringur Vikunnar. Eydís kláraði bráðatækninám, ásamt samstarfskonu sinni Bryndísi Elvu Bjarnadóttur, frá NMETC í Massachusetts í febrúar. -
Á uppgjör frá TR að koma eldri borgurum á óvart?
Í maí mánuði ár hvert fer fram uppgjör hjá þeim eldri borgurum sem fá greiðslur frá Tryggingastofnun.