Þurfti að gera sjónarmiðum landsbyggðarfólks hærra undir höfði
Málþing um framtíð Reykjavíkurflugvallar var haldið á dögunum.
Ég hefði viljað að sjónarmiðum landsbyggðarfólks hefði verið gert hærra undir höfði á málþinginu. Einungis var einn fulltrúi af landsbyggðinni ,Birna Lárusdóttir fyrrverandi bæjarfulltrúi á Ísafirði í átta manna pallborði. Einnig fannst mér umræðan um sjúkraflugið vera í skötulíki og byggjast á mikilli vanþekkingu eins og þegar því sjónarmiði er haldið fram að hægt sé að sinna öllu sjúkraflugi á Íslandi með þyrlum, segir Njáll Trausti Friðbertsson flugumferðarstjóri og varabæjarfulltrúi um málþing um framtíð Reykjavíkurflugvallar sem haldið var á dögunum.
Hann segir málþingið hafa verið vel sótt og þar flutt mörg fróðleg erindi, en fyrirfram hefði hann búist við að meiri áhersla hefði verið á innanlandsflugið. Umræðan snérist nánast öll, að sögn Njáls Trausta, um Reykjavíkurflugvöll og málefni tengd honum. Fyrirlesarar og þátttakendur í pallborði hefðu töluvert vitnað í skýrslu sem unnin var af samráðsnefnd samgönguráðuneytisins og Reykjavíkurborgar og gefin út í apríl 2007. Í þeirri skýrslu kemur m.a. fram að stærsti einstaki þátturinn, þegar meta á þjóðhagslegan ábata af því að leggja flugvöllinn í Vatnsmýri niður, er verðmat á byggingarlandi í Vatnsmýrinni. Skýrslan var unnin á árunum 2005 til 2007 þegar eignabólan sem myndaðist hér á síðasta áratug stóð sem hæst. Fulltrúi frá Betri byggð hafi t.d. talað um að verðmæti lóða í Vatnsmýri væri 70 milljarðar.
Þannig er umræðan að mínu mati á ákaflega sérstöku plani því verðmæti lóða er ekki það sama nú og það var þá. Nauðsynlegt er að endurskoða þessar skýrslur ef notast á við þær í einhverri ákvörðunartöku í dag, segir Njáll Trausti. Hann segir svar Dags B. Eggertssonar formanns borgarráðs við fyrirspurn úr sal, þess efnis hvort ekki væri nauðsynlegt að flugvöllurinn og nýtt sjúkrahús væru í sem mestri nálægð hvort við annað, hafa komið sér og fleiri fundarmönnum á óvart. Efnislega hafi Dagur sagt að allir vissu að það sem skipti mestu máli væri að fyrsta hjálp kæmi sem fyrst á vettvang slysa eða þar sem bráð veikindi kæmu upp. Ferðatími skipti síðan minna máli, það er að koma sjúklingi á sjúkrahús.
Þetta svar vakti töluverða undrun á meðal fundarmanna. Dagur gerði sem sagt lítið úr því að flugvöllur og nýtt sjúkrahús þyrftu að vera nálægt hvort öðru. Þeir sem til þekkja og koma að þessum málum vita betur og mótmæltu þessum málflutningi kröftuglega á fundinum. Í þessu samhengi er rétt að geta þess að Dagur er formaður samgönguráðs sem er ráðgefandi aðili gagnvart samgönguáætlun. Í gerð samgönguáætlunar hefur forsendum okkar samgöngukerfis verið breytt með þeim hætti að íbúar landsins eigi að geta komist í næsta þjónustukjarna innan klukkstundar. Áður var miðað við að allir íbúar landsins gætu komist til Reykjavíkur á innan við þremur klukkustundum. Forsendan fyrir því að ná þeim ferðatíma er Reykjavíkurflugvöllur, segir Njáll Trausti.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.