Þegar sýslumaður Þingeyinga þótti mun Klepptækari en doktorinn
Eftirfarandi frásögn er ein af þeim sem ómögulegt að vita hvort nokkur, eða hve stór fótur er fyrir. En alltént hefur hún lifað sem þjóðsaga á Húsavík allt frá því hún gerðist. Ef hún yfirhöfuð gerðist nokkurn tíman!
Sveinn Rúnar Hauksson læknir, berjatínslusérfræðingur Íslands, einstakur baráttumaður fyrir réttlæti og mannréttindum í heiminum og ekki síst öflugur talsmaður Palestínumanna, er aðdáunarverður hugsjónamaður, hvernig sem á hann er litið.
Sveinn Rúnar starfaði í nokkur ár sem læknir á Húsavík og kom víða við með jákvæðum hætti í samfélaginu, stóð m.a. fyrir stofnun Friðarhreyfingar þingeyskra kvenna. Á þessum árum var Sveinn af og til að glíma við illvígan sjúkdóm sem ekki síst leggst á mikla andans- og hæfileikamenn og var hann ýmist í hæstu hæðum eða lægstu lægðum.
Og þar kom að ekki var lengur við unað á Sjúkrahúsinu á Húsavík og ákveðið að senda Svein Rúnar suður til nauðsynlegrar meðferðar, líkast til á Kleppi. Ljúfmennið og mannvinurinn Sigurður Gizurarson, sýslumaður Þingeyinga, var fenginn til að fylgja Sveini suður og vera honum til halds og trausts.
Þegar flugvélin með þá félaga um borð lenti á Reykjavíkurflugvelli, voru þar mættir tveir starfsmenn frá Kleppi til að taka á móti sjúklingnum. Út úr vélinni gengu tveir menn, annar svona heldur úti á Túni og slangrandi sláni, hinn keikur, glaðbeittur og hress og vatt sér að móttökunefndinni, tók í spaðana á piltum og kynnti sig hátt og snjallt: „Góða kvöldið félagar, Sveinn Rúnar Hauksson, læknir á Húsavík.“
Og sagan segir að þar með hafi starfsmenn Klepps umsvifalaust stokkið á sýslumann Þingeyinga og tekið fastatökum. Óáreiðanlegum heimildum ber hinsvegar ekki saman um hvort Sigurður hafi verið settur í spennitreyju á staðnum. En alltént mun það hafa verið Sveinn Rúnar sjálfur sem leiðrétti þennan leiða misskilning sem hér var upp kominn.
Sem betur fer hefur þeim Sigurði og Sveini Rúnari báðum vegnað vel frá þessum meinta atburði. Enda, eins og fram hefur komið og allir sem til þeirra þekkja vita, aðdáunarverðir andans menn. JS
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir