Það eru bátarnir sem gefa menningarhúsinu líf

04. júní, 2010 - 16:15 Fréttir
Það eru bátarnir sem gefa menningarhúsinu líf
Það er alltaf stór stund þegar nýr bátur er sjósettur og sl. miðvikudagur var þar engin undantekning, þegar glæsilegur bátur úr áli, sem Sigurður Ólafs Jónsson vélfræðingur  hefur smíðað, var sjósettur við flotbryggjuna hjá menningarhúsinu Hofi. Þetta er vélbátur, tæpir sex metrar að lengd og hefur fengið nafnið Hegri. Sigurður var ekki búinn að taka saman hversu mikill tími hefur farið í smíði bátsins en taldi að í þetta verk hafi farið 700-800 vinnustundir.  

Unga fólkið í kringum Sigurð prófaði bátinn á Pollinum eftir sjósetningu og lét vel af og sjálfur er hann ánægður með smíðina. "Ég er bara alveg harðánægður." Við flotbryggjuna við Hof liggur annar 6 metra bátur úr áli, Hróar, sem Sigurður smíðaði einnig og var sjósettur árið 2004. Hróar er glæsilegur seglbátur og segir Sigurður að mun meiri tími hafi farið í smíða hann en Hegra, enda mun flóknari smíði. Hann hafi m.a. verið heilt sumar með mastrið. Sigurður punktaði bátana saman við smíðina en það var Eggert Benjamínsson sem sá um lokasuðuna.

Faðir Sigurðar, Jón Sigurðsson, var vélfræðingur og útgerðarmaður í Hrísey og hann átti báta sem hétu Hróar og Hegri og fannst Sigurði tilvalið að nota þau nöfn á báta sína. Jón faðir Sigurðar fórst með Hegra, sem var 10-12 tonna bátur, árið 1940. Sigurður segir að faðir sinn hafi tekið þátt í vélvæðingunni sem hófst eftir aldamótin.

Sigurður var kennari í Verkmenntaskólanum á Akureyri í um 20 ár. Hann hélt svo til Bandaríkjanna og lauk þar prófi í skútu- og bátahönnun og er þessi bátasmíði Sigurðar byggð á lokaverkefni hans í Bandaríkjunum. Sigurður hefur ákveðnar skoðanir á skipulaginu við Hof. "Það eru bátarnir sem gefa menningarhúsinu líf, það eru þeir sem hreyfast og eru að koma og fara. Við þurfum því ekkert síki," segir Sigurður. "Við þurfum að gera fallegt í kringum Hof og bæta aðstöðuna fyrir bátana. Þessi flotbryggja er fín en það þarf að gera meira," sagði Sigurður.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira