Tekur að lágmarki þrjá tíma að sækja lækni frá Hrísey
Ennfremur kemur fram í bókuninni að það taki Hríseyinga að lágmarki 3 tíma að sækja lækni með tilheyrandi aukakostnaði og vinnutapi til Dalvíkur og í sumum tilfellum þurfi samferðarmann með eldra fólki til að sækja læknisþjónustu og að þá sé þetta veruleg og mikil skerðing við íbúa þessa samfélags. "Það væri strax til hins betra ef hægt væri að sinna þessari þjónustu með það í huga að læknir kæmi til Hríseyjar hálfsmánaðarlega og að sjálfsögðu kæmi hann ekki ef ekki væri pantaður tími, þetta er lágmarksþjónusta sem hægt er að bjóða íbúum og tökum við þá þátt í því að taka á okkur þjónustuskerðingu á þessum niðurskurðartímum. Hverfisráð hvetur hins vegar bæjaryfirvöld til þess að reyna að ná samningi við heilbrigðisráðuneyti hið fyrsta þannig að við Hríseyingar tilheyrum heilsugæslu Akureyrar ef ekki er hægt að semja um mildari skerðingu af hálfu Heilsugæslustöðvar Dalvíkur. Betra og hagkvæmara er fyrir íbúa eyjarinnar að sækja læknisþjónustu til Akureyrar því það er þá hægt að nýta ferðina til að útrétta ofl., þó það sé lengra að fara," segir einnig í bókun hverfisráðs.
Einnig var á fundinum í morgun lagt fram til kynningar bréf frá Anitu Aanesen forstjóra Heilsugæslustöðvarinnar á Dalvík með athugasemdum við bókun frá fundi bæjarráðs í síðustu viku. Þá gerði bæjarstjóri grein fyrir stöðu heilsugæslumála í Hrísey og kom fram í bókun að Heilsugæslustöðin á Dalvík hafi ákveðið að hætta þjónustu í Hrísey.
Nýjast
-
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli. -
Fyrsta beina flug sumarsins til Amsterdam
Í dag er fyrsta beina flug sumarsins til Amsterdam, en það er á vegum Verdi Travel og Transavia Flogið verður vikulega á fimmtudögum, til 14. ágúst n.k. -
Ríkið tekur – landsbyggðirnar fá minna
Hjálmar Bogi Hafliðason skrifar -
Þegar samfélagið þagnar
Benóný Valur jakobsson skrifar -
Fólk greiðir hundruð þúsunda í dvalarkostnað vegna heilbrigðisþjónustu
Aðalfundur Krabbameinsfélagsins skorar á heilbrigðisráðherra að endurskoða greiðsluþátttöku vegna sjúkradvalar innanlands og tryggja, til dæmis með greiðsluþaki, að kostnaður sjúklings og aðstandenda vegna nauðsynlegrar dvalar á sjúkrahóteli sligi ekki fólk af landsbyggðinni.