Sveinbjörn hetja Akureyrar í sigri gegn FH
Markvörðurinn Sveinbjörn Pétursson var hetja Akureyrar í kvöld sem lagði FH að velli í Íþróttahöllinni á Akureyri, 25:24, í N1-deild karla í handbolta. Leikurinn í kvöld var nánast endurtekning frá bikarleik liðanna sl. mánudagskvöld, þar sem Akureyri hafði betur með tveimur mörkum. Líkt og þá höfðu Akureyringar þægilega forystu nánast allan leikinn í kvöld en gestirnir frá Hafnarfirði neituðu að gefast upp og minnkuðu muninn í eitt mark undir lokin. Lengra komust þeir þó ekki og Akureyri er ósigrað á árinu með sex stiga forskot í deildinni.
Eftir nokkuð jafnar fyrstu tíu mínútur tóku Akureyringar að síga framúr. Það var ekki síst að þakka góðri vörn og mögnuðum Sveinbirni Péturssyni í markinu, en Sveinbjörn varði heil 14 skot í fyrri hálfleik og hafði helstu skyttu FH-inga, Ólaf Guðmundsson, algjörlega í vasanum en Ólafur skaut einnig ítrekað tréverkið. Akureyringar náðu mest sjö marka forystu í fyrri hálfleik, 13:6. Líkt og í bikarleiknum var sóknarleikurinn að klikka hjá gestunum, liðið skaut illa á markið og átti í mesta basli með vörn heimamanna. FH náði þó að laga stöðuna fyrir hálfleik með því að skora þrjú síðustu mörkin. Staðan leikhléi, 13:9.
Akureyri byrjaði seinni hálfleikinn af krafti og jók muninn í sex mörk, 16:10 og 19:13 yfir eftir tíu mínútna leik. FH neitaði að gefast upp og söxuðu á forskot heimamanna. Oddur Gretarsson sneri ökkla snemma í seinni hálfleik og yfirgaf völlinn. Sveinbjörn fór á bekkinn og Stefán Guðnason kom í markið. Ólafur Guðmundsson nýtti sér fjarveru Sveinbjörns og fór ham og gestirnir minnkuðu muninn í eitt mark þegar skammt var til leiksloka.
Þegar ein og half mínúta var eftir var staðan 25:24 fyrir Akureyri. Norðanmenn í sókn og Guðmundur Hólmar Helgason hefði getað farið langt með að klára leikinn fyrir heimamenn en Pálmar Pétursson sá við honum í marki gestanna. FH-ingar héldu í sókn og þegar um fimm sekúndur voru eftir fékk Ólafur Guðmundsson dauðafæri en Sveinbjörn kórónaði leik sinn í kvöld, og þá sérstaklega gegn Ólafi, og varði með tilþrifum. Baldvin Þorsteinsson tók frákastið en skaut yfir og Akureyringar fögnuðu vel og innilega í leikslok.
Að 14. umferðum loknum er Akureyri með 25 stig í efsta sæti en FH hefur 17 stig í fjórða sætinu og því mætast liðin að nýju á mánudagskvöldið kemur. Þar sem Haukar lögðu Fram í kvöld eru norðanmenn með sex stiga forskot í deildinni.
Mörk Akureyrar: Bjarni Fritzson 9 (4 úr vítum), Guðmundur Hólmar Helgason 4, Oddur Gretarsson 4, Daníel Örn Einarsson 2, Hörður Fannar Sigþórsson 2, Guðlaugur Arnarsson 1, Heimir Örn Árnason 1, Bergvin Þór Gíslason 1.
Varin skot: Sveinbjörn Pétursson 19, Stefán Guðnason 3
Mörk FH: Ásbjörn Friðriksson 7 (5 úr vítum), Ólafur Guðmundsson 5, Örn Ingi Bjarkarson 4, Baldvin Þorsteinsson 3, Atli Rúnar Steinþórsson 2, Ólafur Gústafsson 2, Ari Magnús Þorgeirsson 2.
Varin skot: Pálmar Pétursson 15.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.