Stór Evrópustyrkur til Verkmenntaskólans á Akureyri
Ástæðan fyrir styrkveitinunni til VMA er sú að þema verkefnisins fellur mjög vel að tilgangi áætlunarinnar; að auka menntunarstig og möguleika fólks á verknámi, að bæta möguleika þeirra sem ekki finna sig í hefðbundnu bóknámi og síðast en ekki síst að verkefnið er samstarf skóla og atvinnulífs. Þetta er ekki í fyrsta skipti sem VMA fær styrk úr Leonardo hluta Menntaáætlun Evrópusambandsins. Bæði nemendur og kennarar hafa fengið styrki í starfsþjálfun á undanförnum árum en það eru mun minni styrkir en þessi styrkur. Það hefur skilað góðum árangri og er þessi stóri styrkur óbeint framhald af þessu samstarfi Menntaáætlunar Evrópusambandsins á Íslandi og skólans.
Menntaáætlun Evrópusambandsins hefur frá árinu 1994 í gegnum EES -samninginn veitt yfir þrettán þúsund íslenskum einstaklingum á öllum skólastigum styrk til að auka við þekkingu sína. Flestir þessara styrkja eru veittir á samkeppnisgrundvelli og sýnir að Íslendingar geta tekið þátt í evrópsku samstarfi á jafnréttisgrundvelli. Þessi árangur VMA sýnir að íslenskir skólar, fyrirtæki, stofnanir og sveitarfélög geta náð árangri í Evrópusamstarfi þótt umræðan á Íslandi sé stundum þannig að smæð okkar og fjarlægð frá Evrópu sé einhver hindrun í svona fjölþjóðlegu samstarfi. Staðreyndin er sú að við höfum fullt erindi í svona samstarf.
Þrátt fyrir að fjárhagslegur ávinningur af þessu samstarfi sé mikilvægur þá eru tengsl og þekking sem fæst með svona samstarfi ekki síður mikilvægt. Það hefur árangur Íslendinga í rannsóknar- og þróunarsamstarfi og menntaáætlun ESB sýnt og sannað undanfarin sextán ár. Þetta kemur fram í grein sem Andrés Pétursson, verkefnastjóri Leónardo yfirfærsluverkefna hjá Menntaáætlun Evrópusambandsins á Íslandi og starfsmaður Rannsóknaþjónustu Háskóla Íslands, skrifar í Vikudag í gær.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
