Stjórnmál skipta þig máli
Hinn 31. maí næstkomandi verða sveitarstjórnarkosningar. Ég hvet alla, bæði Akureyringa og aðra landsmenn til þess kynna sér kosningamálin, hvað flokkarnir standa fyrir og kynnast fólkinu sem er í framboði. Ég tók þá ákvörðun fyrir nokkru síðan að hella mér út í stjórnmál enda hafa þau lengi verið mér hugleikin.
Í dag virðist vera kúl og inni að hafa sem minnstan áhuga á stjórnmálum. Fólk nennir hreinlega ekki kynna sér stjórnmál og taka virkan þátt í þeim og lætur 2-3% landsmanna eða svokallaða aðgerðasinna alveg um það. Íslenskar kosningarannsóknir sína að rúmlega 40% fólks segist ekki geta nefnt einn sveitarstjórnarmann í sínu eigin sveitarfélagi!
Á sama tíma er álit fólks og virðing á stjórnmálaflokkum, stjórnmálamönnum, opinberum stofnunum og kerfinu í algjöru lágmarki. Örstutt gúglrannsókn mín um minn uppáhaldsstjórnmálamann leiddi í ljós að sá hagaði sér eins og hálfviti, væri mesti kjáni sem þjóðin hefur alið af sér, hann sé auk þess umrenningur, fífl, Arabasleikja, lygari að atvinnu, kvartviti, óviti og auðvitað opinber hálfviti. Það munar ekki um fyrirmyndina!
Af hverju sækist ég eftir því að verða umrenningur og opinber hálfviti? Svarið er einfalt: Til þess að koma mínum hugmyndum á framfæri.
Ég er jafnaðarmaður og ég trúi því að jafnaðarmennska sé réttlátasta stjórnmálastefna í heimi. Hún er ekki gallalaus, síður en svo. Hún hefur það þó umfram aðrar stjórnmálastefnur að ganga út frá því að jafna kjör almennings og veita öllum, óháð stöðu og stétt jöfn tækifæri auk þess að verðlauna athafnasemi og hvetja til hnattrænnar hugsunar.
Hugmyndafræði jafnaðarmennskunar hefur átt undir högg að sækja í þjóðmálaumræðunni enda stillir hún sér óspart upp gegn peningaöflum og sérhagsmunum. Hún gengur ekki erinda neinna annarra en almennings, þeirra sem hallað er á í samfélaginu og þeirra sem enga málsvara hafa. Fólk eru okkar hagsmunir og þess vegna er ég jafnaðarmaður.
Almenningur kallar eftir gegnsæju og réttlátu kerfi, sem bæði skattleggur sanngjarnt og tryggir öflugt velferðarkerfi. Ég þekki það vel af eigin raun að sjá hvernig skattfé okkar nýtist til þess að bjarga mannslífum og öðrum sem þurfa á hjálp að halda. Löngu er kominn tími til að leggja þjóðarskútunni og byggja upp þjóðarheimilið.
Bjarki Ármann Oddsson
Höfundur er körfuboltaþjálfari, stjórnsýslufræðingur og 3. maður á lista Samfylkingarinnar jafnaðarmannaflokks Íslands á Akureyri.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.