Starfsstöð Þjóðskrár flytur og starfsemin efld
Björn Jósef Arnviðarson sýslumaður á Akureyri segir að til standi að gera verulegar breytingar á húsnæðinu og væntir þess að framkvæmdir við endurbætur hefjist næsta haust. Úttekt á húsnæðinu er þegar hafin. „Þetta verða umfangsmiklar breytingar sem hér verða gerðar," segir sýslumaður. Meðal annars verður kjallari hússins tekin í gegn og þar er ráðgert að koma upp skjalageymslu. Starfsemi á vegum sýslumannsembættisins verður á fyrstu hæð hússins og að hluta til á annarri hæð, en Þjóðskrá fær til afnota hluta af þeirri hæð og eins þá þriðju. Héraðsdómur Norðurlands eystra verður áfram á fjórðu hæð hússins. Björn Jósef segir að um stóra framkvæmd verði að ræða og geti kostnaður numi um 150-200 milljónum króna. Það sé þó alls ekki ljóst á þessari stundu þar sem úttekt á húsinu sé ekki lokið og enn viti menn ekki nákvæmlega hvað gera þurfi, t.d. varðandi lagnir, glugga og fleira.
Haukur Ingibergsson framkvæmdastjóri Þjóðskrár segir að þær stofnanir sem fyrirhugað er að deili húsnæði við Hafnarstræti 107 heyri allar undir innanríkisráðuneytið og muni njóta hagræðis af því að vera undir sama þaki. Nú starfa 11 manns á vegum stofnunarinnar á Akureyri, en hlutverk Þjóðskrár Íslands er að halda fasteignaskrá og þjóðskrá, ákveða brunabótamat og fasteignamat og annast rannsóknir á fasteignamarkaðinum. Stofnunin sér einnig um rekstur starfs- og upplýsingakerfa fyrir sýslumenn og sveitarfélög og gefur út vegabréf. „Við sjáum ákveðin tækifæri í því að efla og auka starfsemina fyrir norðan þegar við komumst í hentugra og rúmbetra húsnæði," segir Haukur. Nefnir hann að stofnunin þurfi á stærra húsnæði að halda, m.a. til að hýsa skjalageymslu og horfi menn til þess að aukið rými fáist nú í væntanlegu nýju húsnæði á Akureyri. „Við getum ráð fyrir að geta fjölgað starfsfólki fyrir norðan eftir þessar fyrirhuguðu breytingar," segir Haukur. Ekki er ljóst hvenær af flutningi verði, húsnæðið verður lagfært og endurhannað næsta vetur og má gera ráð fyrir að framkvæmdum verði lokið næsta vor eða sumar.
Nýjast
-
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann.