Slagverk og strengir á fyrstu tónleikum ársins hjá SN
Fyrstu tónleikar Sinfóníuhljómsveitar Norðurlands á nýju ári fara fram í Hofi á morgun, sunnudaginn 9. janúar kl. 16.00 og er yfirskrift þeirra; Slagverk og strengir. Einleikari á marimbu er Hjörleifur Örn Jónsson og stjórnandi Guðmundur Óli Gunnarsson. Sinfóníuhljómsveit Norðurlands hélt sína fyrstu tónleika 24. október 1993 og er því á sínu 18. starfsári.
Hljómsveitin er að þessu sinni eingöngu skipuð strengjaleikurum eins og yfirskrift tónleikanna gefur til kynna. Á efnisskrá er Holberg-svíta eftir E. Grieg, Konsert fyrir marimbu og strengjasveit eftir Ney Rosauro og Kammersinfónía í c-moll eftir D. Shostakovich. Árið 1884, þegar 200 ár voru liðin frá fæðingu Ludvig Holberg, var Edvard Grieg fenginn til að semja verk tileinkað honum en listamennirnir voru báðir frá Bergen í Noregi. Konsert Rosauros fyrir marimbu og strengi er einn vinsælasti marimbukonsert í heimi. Hann var saminn árið 1986 og vinsældir hans hafa örvað önnur tónskáld til viðlíkra tónsmíða. Kammersinfónía Shostakovich er útsetning á strengjakvartett nr. 8. sem Rudolf Barschai gerði í samráði við tónskáldið. Verkið tileinkaði tónskáldið fórnarlömbum stríðs og fasisma og sínum eigin þjáningum.
Hjörleifur Örn Jónsson hóf 9 ára gamall nám í slagverksleik hjá Reyni Sigurðssyni í skólahljómsveit Mosfellssveitar. Hann lauk burtfararprófi frá djassdeild Tónlistarskóla FÍH og stundaði síðan nám í Amsterdam og Berlín en þaðan hann lauk mastersgráðu í slagverksleik. Hjörleifur hefur starfað með ýmsum hljómsveitum og kammerhópum hér heima og erlendis. Hjörleifur var skólastjóri Neue Musikschule Berlin á árunum 2006-2008 og framkvæmdastjóri Hypno leikhússins þar í borg sem sérhæfir sig í tónlistar- og leiksýningum fyrir börn og unglinga. Hann hefur unnið að skipulagningu viðburða í samstarfi við Listahátíð í Reykjavík auk ýmissa tónlistarhátíða í Þýskalandi. Hjörleifur hefur verið skólastjóri Tónlistarskólans á Akureyri frá haustinu 2008 og einnig starfað með Sinfóníuhljómsveit Norðurlands frá þeim tíma.
Guðmundur Óli Gunnarsson hefur verið aðalhljómsveitarstjóri Sinfóníuhljómsveitar Norðurlands frá stofnun hennar og starfar einnig við Tónlistarskólann á Akureyri þar sem hann m.a. stjórnar strengjasveit skólans. Guðmundur Óli lauk prófi í hljómsveitarstjórn frá Tónlistarháskólanum í Utrecht í Hollandi.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.