„Skýtur skökku við þegar uppbygging á sér stað“
„Það skýtur skökku við að draga eigi úr fjármagni til markaðssetningar Akureyrarflugvallar á sama tíma og uppbygging á sér stað. Nú er einmitt mikilvægara en oft áður að setja aukinn kraft í varaflugvellina okkar,“ segir Halla Björk Reynisdóttir forseti bæjarstjórnar á Akureyri í samtali við Vikublaðið.
Eins og fjallað var um í síðasta blaði er dregið verulega úr framlögum í nýjum samningi stjórnvalda við Markaðsstofu Norðurlands vegna stuðnings við Flugklasann Air66N, sem snýr að því að efla millilandaflug um Akureyrarflugvöll. Verður styrkurinn 8 milljónir í stað 20 milljóna. Halla Björk segir að suðvesturhornið selji sig sjálft með eldgosið sem aðal aðdráttarafl. Beina þarf vaxandi ásókn flugfélaga á að fljúga til landsins markvisst til Akureyrar- og Egilsstaðaflugvallar.
Halla Björk Reynisdóttir
„Það gæti dregið úr þrýstingi á framkvæmdum í Keflavík, hjálpað til við að nýta innviði á Norður- og Austurlandi og gefið okkur betri farveg fyrir dreifingu ferðamanna. Nú er að mínu mati einstakt tækifæri til þess skoða nýjar leiðir til uppbyggingar og þróun ferðaþjónustunnar um land allt,“ segir Halla Björk.
„Viðhalda átroðningi á hluta landsins“
Í apríl kynnti ferðamálaráðherra verkefnið Vörðu; nýja heildstæða nálgun áfangastaðastjórnunar en athygli vekur að fyrstu áfangastaðirnir sem hefja ferli til að verða Vörður eru Gullfoss, Geysir, Þingvallaþjóðgarður og Jökulsárlón. Allt staðir á sunnanverðu landinu.
-Eru stjórnvöld að sniðganga Norðurland að þínu mati?
„Já, gagnvart áfangastöðum þá er það sannarlega svo og ákveðin vonbrigði að ekki skuli vera einn einasti áfangastaðar annars staðar en á Suðurlandi á dagskrá hjá stjórnvöldum á þessu ári,“ segir Halla Björk. „Nú þegar tækifæri gefst til þess að endurskipuleggja að einhverju leyti ferðaþjónustuna sem atvinnugrein á Íslandi, virðast stjórnvöld ætla að leggja allt kapp á uppbyggingu á Keflavíkurflugvelli og viðhalda þannig átroðningi á hluta landsins í stað þess að gera tilraun til að dreifa álaginu. Ég leyfi mér hins vegar að vera bjartsýn á að uppbygging á Norðurlandi verði sett á dagskrá strax á næsta ári.“
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir