Skiptir öllu fyrir okkur að starfsemin haldist á Akureyri
Félagið fær nafnið Útgerðarfélag Akureyringa. Samningurinn er gerður með fyrirvara um samþykki Samkeppniseftirlitsins. Um er að ræða fiskvinnslu á Akureyri og Laugum ásamt vélum og tækjum, ísfisktogarana Sólbak EA 1 og Mars RE 205, sem áður hét Árbakur; veiðiheimildir í þorski, ýsu, steinbít og skarkola, samtals 5.900 þorskígildistonn. Guðmundur Kristjánsson sagði á fundinum í morgun, að Brim myndi reka landvinnsluna þar til Samkeppniseftirlitið hefði fjallað um málið. Þorsteinn Már Baldvinsson sagði að eftirlitið hefði 25 daga til að afgreiða málið en hann hafði sínar efasemdir um að kaupin hafi þurft að fara fyrir Samkeppniseftirlitið.
Hrefna Þorbergsdóttir trúnaðarmaður starfsfólks í landvinnslu Brims á Akureyri, sagðist eftir fundinn, alveg sæmilega sátt við þessa niðurstöðu. "Þessi starfsemi helst hér á Akureyri og það skiptir öllu máli fyrir okkur sem vinnum hér. Auðvitað eru skiptar skoðanir meðal starfsfólks, en flestir eru sáttir, að mér finnst. Við þurfum heldur ekkert að vera að horfa til fortíðar og þessi breyting verður vonandi til að efla starfsemina enn frekar."
Aðspurð um hugsanlegar breytingar á vinnufyrirkomulagi sagði Hrefna að það væri þá eitthvað sem samið yrði um. "Við erum mjög sátt við hlutina eins og þeir hafa verið og samþykkjum ekki hvað sem er. Þessi tími hjá Brim hefur verið góður og ég er bjartsýn á framtíðina, það þýðir ekkert annað," sagði Hrefna.
Björn Snæbjörnsson formaður Einingar-Iðju sagðist einnig ánægður með þessa niðurstöðu. "Úr því Brim var að selja er ég mjög ánægður með að það skulu vera heimamenn sem kaupa. Þetta tryggir okkar störf hér á Eyjafjarðarsvæðinu, það er mikils virði fyrir fiskvinnlsuna og þá stóriðju sem hún er. Samherjamenn þekkja vel til hér við fjörðinn og hafa unnið ötullega að uppbyggingu og ég vona að þetta sé bara enn eitt skrefið hjá þeim í efla starfsemina enn frekar á svæðinu," sagði Björn.
Hann segir að vonandi fari málefni sjávarútvegsins að skýrast, þannig að menn geti haldið áfram að vinna í þessum atvinnuvegi. "Ég trúi því og treysti að það muni gerast. Mér finnst það líka virðingarvert sem Samherji er að gera með því að selja eignir í útlöndum og koma með fjármunina til að fjárfesta hér á svæðinu. Það sýnir að menn hafa áhuga á því sem þeir eru að gera, þeir eru líka að fá hér frábært starfsfólk með mikla sérþekkingu og reynslu og hér á Eyjafjarðarsvæðinu er aðallinn í fiskvinnslu," sagði Björn.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.