Sammála um að taka á neikvæðum áhrifum snjallsíma
Starfshópur um símanotkun í grunnskólum Akureyrarbæjar hefur lagt fram nýjar samræmdar símareglur sem taka gildi næsta skólaár. Í þessu skrefi felst ákveðinn sáttmáli um símafrið og verða reglurnar kynntar starfsfólki og foreldrum á næstu dögum. Tilgangurinn með sáttmálanum er fyrst og fremst að skapa góðan starfsanda í skólum, stuðla að bættri einbeitingu, auknum félagslegum samskiptum og vellíðan nemenda og starfsfólks skóla. Starfshópurinn var samsettur af kjörnum fulltrúum, fulltrúum foreldra og ungmenna, starfsfólki skóla og starfsfólki af fræðslu- og lýðheilsusviði.
Foreldrar, nemendur og starfsfólk klár í samtalið
Hópurinn átti víðtækt samráð við foreldra, nemendur og starfsfólk og óhætt að segja að þátttakan og áhuginn hafi verið meiri en starfshópurinn þorði að vona. Samhliða þessari vinnu kynnti hópurinn sér m.a. skýrslu UNESCO varðandi þessi mál og reynslu annarra skóla og sveitarfélaga sem hafa verið á svipaðri vegferð. Þá fengu allir nemendur á mið- og unglingastigi fræðslu frá Skúla Braga Geirdal, verkefnastjóra miðlalæsis hjá Fjölmiðlanefnd, en tilgangur fræðslunnar var að skapa aukinn skilning meðal nemenda um netöryggismál og áhrif símanotkunar.
Bara gleði og ánægja í frímínútum
Í öllum okkar samtölum við foreldra og kennara kom fram skýr vilji til breytinga. Í samtali okkar við nemendur kom sömuleiðis fram skýr vilji til að virkja þær stundir betur sem þau fá til að eiga frjáls samskipti, bæði í leik og í hvíld frá námi. Nemendur á unglingastigi skilja vel mögulega neikvæð áhrif snjallsímanna en lögðu mikla áherslu á að við yrðum þá að tryggja fjölbreytta afþreyingu í skólunum, til að leysa af hendi óumdeilt afþreyingargildi símanna. Við sem sitjum í Fræðslu- og lýðheilsuráði viljum sannarlega mæta þessu ákalli og vinna að því, í samstarfi við nemendur og starfsfólk skólanna, að auka gleði og rækta uppbyggjandi samskipti í frímínútum.
Vonandi erum við öll sammála um að taka á neikvæðum áhrifum snjallsíma og skapa símafrið í skólunum okkar.
Heimir Örn Árnason er formaður fræðslu- og lýðheilsuráðs og bæjarfulltrúi Sjálfstæðisflokksins á Akureyri. Gunnar Már Gunnarsson er bæjarfulltrúi Framsóknar.
Nýjast
-
Slys á vatnsverndarsvæði Norðurorku
Eins og fram hefur komið í fjölmiðlum varð alvarlegt rútuslys við Fagranes í Öxnadal í gær. Viðbúnaður viðbragðsaðila var mikill og aðkoma starfsfólks Norðurorku einnig þar sem slysið varð inn á vatnsverndarsvæði fyrirtækisins sem nær m.a. inn að vatnaskilum á Öxnadalsheiði -
Samningar við PCC í höfn
Síðdegis í gær náðist samkomulag milli PCC BakkiSilicon og Framsýnar/Þingiðnar um kjarasamning fyrir hönd starfsmanna fyrirtækisins til næstu fjögurra ára. Þetta kemur fram í tilkynningu frá stéttarfélaginu. -
Tveimur haldið sofandi en með stöðug lífsmörk
Alls voru 22 erlendir ferðamenn í rútunni sem valt. 5 voru fluttir með þyrlu og sjúkraflugvélum á Landspítalann og þar á gjörgæsludeild. Tveimur er haldið sofandi í öndunarvél en eru sagðir vera með stöðug lífsmörk. 5 voru lagðir inn á Sjúkrahúsið á Akureyri. Nánari upplýsingar um áverka liggja ekki fyrir hjá lögreglu á þessari stundu. -
Kjarnaskógur eitt öflugasta lýðheilsumannvirki landsins
„Á stundum eins og verið hafa undanfarið, þegar skítviðri geisar og hundi er vart út sigandi reiknar maður ekki með mikilli traffík hér í Kjarnaskógi en raunin er allt önnur og undirstrikar samfélagsverðmætin,“ segir Ingólfur Jóhannsson framkvæmdastjóri Skógræktarfélags Eyjafjarðar. Fjölmörg verkefni eru fram undan þegar „vetrarveðri“ um sumar slotar. -
„Ekki minn tebolli að sitja við tölvuna og safna gögnum“
Joséphine er frá Bayonne í suðvestur Frakklandi en hefur starfað sem leiðsögumaður hjá Gentle Giants hvalaferðum á Húsavík síðan sumarið 2022 en síðast liðið haust settist hún á skólabekk með það að markmiði að ná sér í skipstjórnarréttindi fyrir rib-báta GG hvalaferða. -
Rútuslysið-Flogið með fimm manns til Reykjavikur, vegurinn lokaður fram á nótt.
Lögreglan á Norðurlandi eystra sendi þessa tilkynninu frá sér fyrir skömmu vegna alvarlegs rútuslys sem varð laust eftir kl 17 í dag í Öxnadal ,,Áfram viljum við vekja athygli á því að vegurinn um Öxnadal er enn lokaður og verður fram eftir nóttu. -
Alvarlegt rútuslys í Öxnadal Uppfært kl 1900
Uppfærsla vegna slyss í Öxnadal kl. 18:55 Í fyrstu viljum vekja athygli á því að vegurinn um Öxnadal er enn lokaður og verður eitthvað fram eftir kvöldi, jafnvel fram eftir nóttu. Hvetjum við því alla sem þurfa að komast á milli Eyjafjarðar og Skagafjarðar í kvöld að fara fyrir Tröllaskagann í gegnum Siglufjörð og Ólafsfjörð. Þarna hafði rúta með erlendum ferðamönnum oltið og var þó nokkur fjöldi þeirra slasaður. Flestir farþegar hafa nú verið fluttir af vettvangi og á Sjúkrahúsið á Akureyri. Þar fer fram frekari greining og þá eru 2 sjúkraflugvélar klárar á Akureyri og þá er þyrla LHG kominn til Akureyrar og mun hún einnig flytja slasaða til Reykjavíkur. Frekari upplýsingar koma kl. 21:00 Laust fyrir kl. 17:00 fengu viðbragðsaðilar í Eyjafirði tilkynningu um alvarlegt umferðarslys í Öxnadal. Þar hafði rúta oltið og væru fjöldi farþega slasaðir. Hópslysaáætlun var virkjuð og allir viðbragðsaðilar kallaðir út. Vegurinn um Öxnadal er lokaður og mun verða eitthvað áfram. Bendum við á hjáleið um Tröllaskaga. -
Hilda Jana Gísladóttir bæjarfulltrúi Samfylkingar um viðtal Vikublaðsins við Teit Guðmundsson
Viðtal Vikublaðsins í gær við Teit Guðmundsson forstjóra Heilsuverndar sem rekur Heilsuvernd hjúkrunarheimili á Akureyri hefur vakið mikla athygli. Hilda Jana Gísladóttir bæjarfulltrúi Samfylkingarinnar gerir viðtalið að yrkisefni í stöðufærslu á Facebook og er greinlega hugsi. -
Mömmur og möffins flytja sig á Ráðhústorg
„Það kom fram hugmynd um að færa viðburðinn úr Lystigarðinum og niður á Ráðhústorg til að virkja betur það mannlíf og fjör sem er í miðbænum,“ segja þær Bryndís Björk Hauksdóttir og Sigríður Pedersen sem halda um stjórnartauma á viðburðinum Mömmur og möffins í ár. Viðburðurinn er jafnan á laugardegi um verslunarmannahelgi og frá árinu 2010, utan tvö kóvid ár, hefur hann verið í Lystigarðinum.
Athugasemdir