Samkomulag undirritað, í dag, milli Bjarmahlíðar og framhaldsskólanna á Norðurlandi um samstarf tengt forvörnum
Bjarmahlíð er með aðsetur í Aðalstræti 14 (Gamla spítalanum) Mynd akureyri.is
Í dag kl 14 verður samkomulag undirritað, í Aðalstræti 14 á Akureyri, á milli Bjarmahlíðar, miðstöðvar fyrir þolendur ofbeldis á Norðurlandi og Samnor, framhaldsskólanna á Norðurlandi um samstarf tengt forvörnum gegn ofbeldi, fræðslu til skólanna og stuðning við fagaðila innan skólanna, auk beins samtals við nemendur s.s. í gegnum nemendafélögin. Þá er einnig um að þjónustuaukningu fyrir aldurshópinn 16-18 ára, þ.e. framhaldsskólaaldurinn en í Bjarmahlíð hefur orðið vart við vaxandi þörf á stuðningi fyrir þennan aldur.
Í frettatilkynningu frá framkvæmdaráði Bjarmahlíðar sem send var til fjölmiðla í morgun segir:
,, Í Bjarmahlíð, miðstöð fyrir þolendur ofbeldis á Norðurlandi, hefur orðið vart við vaxandi þörf á stuðningi við ungmenni á framhaldsskólaaldri (frá 16 ára). Flest ungmenni á aldrinum 16-18 ára eru í framhaldsskóla og hefur Bjarmahlíð nú gert samkomulag um þróun samstarfs við alla framhaldsskólana á Norðurlandi. Skólarnir eru Framhaldsskólinn á Húsavík, Framhaldsskólinn á Laugum, Menntaskólinn á Akureyri, Menntaskólinn á Tröllaskaga, Verkmenntaskólinn á Akureyri og Fjölbrautarskóli Norðurlands vestra.
Samkomulagið felur í sér fræðslu til skólanna og stuðning við fagaðila innan skólanna eftir þörfum, og beint samtal við nemendur í gegnum nemendafélög skólanna. Með beinu samtali við nemendur mun Bjarmahlíð markvisst leitast við að sníða þjónustu sína við þolendur á framhaldsskólaaldri að þeirra þörfum þegar kemur að ofbeldisforvörnum og úrræðum. Leiðarstef í allri vinnu Bjarmahlíðar með ungmennum er að styðja við merkingarbæra þátttöku þeirra en að huga jafnframt að vernd þeirra. Þar liggja til grundvallar grunngreinar Barnasáttmála Sameinuðu þjóðanna. Samkomulagið við skólana gildir út þetta skólaár (til vors 2023) og verður þá endurmetið.
Þjónustuaukningin við 16-18 ára í Bjarmahlíð felur sér að boðið er upp á viðtöl þar sem samþætt eru viðbrögð, úrræði, leiðir til valdeflingar og eftirfylgd eftir að ofbeldi hefur átt sér stað. Slík þjónustuaukning er ekki gerð nema í þéttu samtali og samstarfi við aðila innan hefðbundins skóla- og frístundastarfs, stuðningskerfa félags- og barnaverndar og lögregluna. Bjarmahlíð mætir ungmennunum með áfallamiðaðri nálgun sem felur sér valdeflingu og eflingu áfallaseiglu, sem um leið geta orðið verndandi aðgerðir gegn ofbeldi síðar á lífsleiðinni. Hægt er að panta tíma í gegnum heimasíðu Bjarmahlíðar: bjarmahlid.is og með því að senda póst á bjarmahlid@bjarmahlid.is. Boðið er upp á stað- og fjarviðtöl.
Bjarmahlíð, miðstöð fyrir þolendur ofbeldis á Norðurlandi, hóf starfsemi vorið 2019 og hafa yfir 400 manns 18 ára og eldri fengið þjónustu þar. Bjarmahlíð hefur bakland hjá þeim fjölmörgu samstarfsaðilum sem koma að starfinu og er þannig tengiliður við opinberar stofnanir, félagssamtök og bjargráð innan þeirra þegar kemur að afleiðingum og úrvinnslu ofbeldis. Þjónusta Bjarmahlíðar er þolendum að kostnaðarlausu og rekin í anda hugmyndafræði Family Justice center. "
Nýjast
-
,,Dáleiðsla frábær leið til að vinna úr áföllum"
„Ég hef alltaf haft áhuga á andlegum málum, trúað á eitthvað meira en vísindin og bæði fundið, séð og heyrt í gegnum ævina. Það er samt ekki fyrr en núna undanfarna mánuði sem þetta er að banka meira á dyrnar hjá mér enda hefur þetta verið töluvert feimnismál og nóg af fordómum bæði í kringum mig og hið innra með sjálfri mér. Þetta finnst mér þó vera að breytast eða kannski er það bara það að ég er farin að umgangast fleira fólk sem er á þessari sömu línu,“ segir Hulda Ólafsdóttir sem ásamt fleirum stendur fyrir Dáleiðsludeginum í Hofi á Akureyri næstkomandi laugardag, 11. maí frá kl. 13 til 17. -
Nöfn fólksins sem létust í umferðarslysi í Eyjafirði
Fólkið sem lést í umferðarslysinu á Eyjafjarðarbraut eystri skammt norðan við Laugaland þann 24. apríl hét Einar Viggó Viggósson, fæddur 1995, og Eva Björg Halldórsdóttir, fædd 2001. Þau voru búsett á Akureyri. -
Vegagerðin setur upp sterkara vegrið ofan við Þelamerkurskóla
Vegagerðin stefnir að því að skipta út núverandi vegriði ofan við Þelamerkurskóla fyrir sterkara vegrið með öryggisendum að sögn Rúnu Ásmundsdóttur deildarstjóra hjá Vegagerðinni á Akureyri. Öryggisendar eru eftirgefanlegar einingar sem settar eru á enda vegriða í stað þess að leiða þau ofan í jörð -
Niðurstaða hönnunarútboðs vegna stækkunar á SAk
Nýr Landspítali (NLSH) hefur birt niðurstöðu í hönnunarútboði I2081 vegna nýs húsnæðis fyrir legudeild Sjúkrahússins á Akureyri (SAk). Hanna á nýbyggingu fyrir legudeildir í skurð- og lyflækningadeild og dag-, göngu- og legudeild fyrir geðdeild við núverandi húsnæði Sak. Gert er ráð fyrir að um 9.200 m2 nýbygging verði staðsett sunnan við núverandi byggingar og tengd eldra húsnæði. -
Þrír dæmigerðir dagar skemmtiferðaskipafarþega í júlí
Sú jákvæða þróun hefur átt sér stað undanfarin misseri að fjölgun hefur orðið á ferðum skemmtiferðaskipa hingað til lands. Frá sjónarhóli efnahagslífs, mannlífs og náttúru þetta afar jákvæð þróun, þá ekki aðeins vegna þess að skipin bæta mikilvægri gátt við samgönguleiðir til Íslands, heldur einnig vegna þess að engum hluta ferðaþjónustu er eins vel stýrt m.t.t. álags á innviði, náttúru og menningu. -
Hraðamælingar og þau nelgdu.
Lögreglan á Norðurlandi eystra hvetur þá sem ökumenn sem eiga það eftir, að huga að dekkjaskiptum, að skipta út nagladekkjunum sem fyrst! ❌❌ Í ljósi veðurspár næstu daga er algjör óþarfi að vera á nagladekkjum núna. Við höfum skilning á því að það er háannatími hjá dekkjaverkstæðum á svæðinu um þessar mundir, en ítrekum þó hér með að ökumenn beri ábyrgð á því hvernig bifreið sem þeir aka sé útbúin Með hækkandi sól hefur talsvert borið á hraðakstri á svæðinu og því vill lögreglan beina þeim tilmælum til ökumanna að þeir flýti sér hægt. Nú er mikið af nýjum vegfarendum í umferðinni, m.a. á reiðhjólum og bifhjólum, og því afar mikilvægt að sýna aðgæslu. Sérstaklega er viðbúið að reiðhjólamenn verði áberandi í umdæminu næstu vikurnarnar og mánuði. Sem fyrr er nauðsynlegt að allir í umferðinni sýni tillitssemi því þá gengur allt betur og öruggar fyrir sig. Þá upplýsist það einnig hér með að lögreglumenn hjá embættinu munu næstu daga, sem og í allt sumar, halda uppi öflugu hraðaeftirliti hvort sem það er innanbæjar eða utan þéttbýlis. 🚨🚔 Góða helgi ☀️ -
Bóngóður sjálfboðaliði heiðraður
Gunnar Frímannsson sjálfboðaliði Eyjafjarðardeildar fékk heiðursviðurkenningu sjálfboðaliða á aðalfundi Rauða krossins á Íslandi fyrr í þessum mánuði. „Gunnar er jákvæður, traustur og afar bóngóður sjálfboðaliði,“ segir í umsögn um hann. -
Bjarmahlíð, þjónustumiðstöð hefur verið starfrækt í 5 ár
„Bjarmahlíð er rekin með styrkjum en óskastaðan er sú að komast á fjárlög en þannig mætti nýta tíma sem fer í að eltast við peninga í reksturinn til að auka þjónustuna enn frekar,“ segir Kristín Snorradóttir teymisstjóri hjá Bjarmahlíð, þolendamiðstöð á Akureyri. Fimm ár eru um þessar mundir frá því starfsemin hófst og var tímamótanna minnst með afmælishófi á Múlabergi í gær, miðvikudag. -
Borgarhólsskóli fór með sigur af hólmi í Fiðringi
Fiðringur á Norðurlandi var haldinn í Hofi þriðja sinn í gærkvöldi, 8. maí. Tíu skólar af Norðurlandi tóku þátt í ár og sýndu afrakstur vinnu sinnar
Athugasemdir