Saga Gagnfræðaskóla Akureyrar komin út á bók
Bókin er um 260 blaðsíður, prýdd hundruðum ljósmynda og "er ómissandi þeim er vilja fræðast um sögu Akureyrar og þróun menntamála á Íslandi," eins og segir á bókarkápu. Þar segir ennfremur að bæjarbúar hafi ekki endilega fagnað stofnun skólans, á milli hans og Menntaskólans hafi verið einkennileg togstreita um nemendur, um tíma var hann í senn grunnskóli og framhaldsskóli en laut um síðir í lægra haldi fyrir hugmyndinni um tíu-bekkja-skóla.
Eftir að ákveðið var að ráðast í útgáfu bókarinnar skipuðu þeir Bernharð, Magnús og Baldvin sig sjálfa í ritnefnd, enda voru þeir sammála um að um engir væru betur til verksins fallnir. Samanlagður tími þeirra í Gagnfræðaskólanum, fyrst sem nemendur og síðan kennarar og stjórnendur er 87 ár. Bernharð tók að sér öflun heimilda og gerð texta og titlaði sig snemma formann ritnefndar. Baldvin og Magnús tóku að sér myndaölfun, myndatextagerð og gerð nafnalista og Baldvin annaðist tölfræðina. Ritnefndin á engum meira að þakka við gerð þessa ritverks en Sverri Pálssyni, eins og segir m.a. í formála. "Það var ekki einungis, að hann kenndi okkur öllum í þrjá vetur, heldur var hann samstarfsmaður okkar og skólastjóri um áratuga skeið, vinur okkar alla tíð. Hann var hvatamaður að þessu verki, ráðhollur og þegar fyrir kom, að ljósið varð að týru, blés hann í glæðurnar, loginn varð í senn heitur og sýnilegur. Hann lægði líka öldur, þegar þess var þörf. Hann léði okkur ritgerð sína um Þorstein M. Jónsson, sem hér er birt í heild, endurgjaldslaust," segir í formála bókarinnar. "Laun ritnefndar eu ekki af veraldlegum toga, verkið er tilraun til að gjalda góðri stofnun fósturlaunin," segir þar ennfremur. Þá rifja fjölmargir gamlir nemendur skólans upp árin sín í Gagganum.
Akureyrarbær og KEA studdu útgáfu bókarinnar en útgefandi er VÖLUSPÁ útgáfa. Bókin er prentuð í Ásprent á Akureyri.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.