Ruglandinn innan ríkisstjórnarflokkanna stórskaðar atvinnulífið
"Einstaka þingmenn Samfylkingarinnar hafa komið fram á undanförnum dögum og sagt nauðsynlegt að skrifa nýtt frumvarp, þannig að í mínum huga er alveg ljóst að greinin mun búa við áframhaldandi óvissu með tilheyrandi afleiðingum."
Kristján segir athyglisvert að allar umsagnir um frumvarpið séu neikvæðar, varað sé við neikvæðum afleiðingum verði frumvarpið að lögum. „Ríkisstjórnarsamstarfið er gjörsamlega óútreiknanlegt, þannig að það veit enginn í dag hver lendingin verður í þessu stóra hagsmunamáli, því miður. Hugsanlega lítur dagsins ljós nýtt frumvarp í haust, sjónarmið ríkisstjórnarflokkanna eru ólík og innan hvors flokks um sig eru einnig fullkomlega andstæð sjónarmið. Miðað við umræðuna um sjávarútveginn á undanförnum árum átti maður svo sem von á öllu, málflutningur Samfylkingarinnar hefur frekar einkennst af upphrópunum en gagngerum tillögum sem unnt hefur verið að skapa sátt um."
Kristján Þór bendir á að sjávarútvegur gegni víðast hvar lykilhlutverki í atvinnulífinu í Norðausturkjördæmi. „Þingmenn Samfylkingarinnar og Vinstri grænna í kjördæminu verða að gera fólkinu í kjördæminu grein fyrir því hvers vegna þeir greiddu fyrir framgangi stóra frumvarpsins, sem nú er komið til umsagnar í þinginu. Þeir virðast vera á öðru máli en allir þeir sérfræðingar sem ályktað hafa um afleiðingar frumvarpsins, auk fjölda launþegasamtaka, hagsmunasamtaka og sveitarfélaga."
Kristján segir að full ástæða sé til að ræða ákvæði laganna um veiðiskyldu, framsal veiðiheimilda og veðsetningu, svo dæmi sé tekið. Greininni sjálfri sé hins vegar best treystandi í þessum efnum, þannig skili hún sem mestu til þjóðarbúsins. „Við erum ekki aðeins að tala um sjálf útgerðarfyrirtækin, heldur sjómenn, fyrirtæki í landi, sveitarfélög og þjóðarbúið allt. Það er himinn og haf á milli stjórnarflokkanna í fiskveiðimálum og jafnvel eru sjónarmiðin í hvorum flokknum jafn mörg og sjálfir þingmennirnir. Núna tala sumir þeirra um að aðrar leiðir eigi að gilda en hagfræðileg rök. Þjóðarbúið má hreinlega ekki við svona æfingum, en því miður er staðan svona. Áherslur einstakra stjórnarþingmanna benda til þess að ruglandinn og óvissan vari lengur, sem auðvitað stórskaðar atvinnulíf þjóðarinnar."
Nýjast
-
Fróðir fjármálasnillingar og frábærar fyrirmyndir í Fjallabyggð
Mikilvægt að fjalla um það sem jákvætt er -
Kvaddi skólann eftir 20 ár
Valgerður Gunnarsdóttir lætur af störfum sem skólameistari Framhaldsskólans á Húsavík eftir farsælan feril -
Skítaveður í kortunum
Það hefur ekki farið framhjá einum eða neinum að veðrabrigði blasa við okkur og það er best að taka þá veðurspá alvarlega. Það mun bresta á um og eftir hádegi á morgun mánudag og Veðurstofa Íslands hefur gefið út gular og svo appelsínugular viðvaranir. -
Gestkvæmt hjá ÚA í gær
Þúsundir Akureyringa og gesta kynntu sér starfsemi Útgerðarfélags Akureyringa við Fiskitanga á Akureyri í gær, laugardaginn 31. maí. -
Fjölmenni tók þátt í dagskrá í tengslum við Sjómannadaginn
Fjölmenni var í Sandgerðisbót í dag og naut fólk dagskrár í tengslum við Sjómannadaginn ríkulega. Verbúðir voru opnar og boðið uppá smakk af sjávarfangi, Karlakór Akureyrar tók lagið og eitt þúsund grillaðar pylsur runnu vel niður hjá gestum sem eins og fyrr sagði létu sig ekki vanta. -
Sýning á Iðnaðarsafni í tilefni af 80 ára afmæli ÚA
Útgerðarfélag Akureyringa heldur um þessar mundir upp á 80 ára afmæli sitt, félagið var formlega stofnað 26. maí árið 1945. Aðeins fyrr eða um miðjan mars hafði verið boðað til undirbúningsfundar þar sem áhugi fyrir stofnun útgerðarfélags í bænum var kannaður. -
Hvatningarverðlaun Eyrarrósarinnar í Þingeyjarsveit
Verkefnið Afhverju Ekki hlaut Hvatningarverðlaun Eyrarrósarinnar 2025! Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr. -
VMA- Aldrei jafnmargir nemendur brautskráðir á einu skólaári
Alls voru brautskráðir 186 nemendur frá Verkmenntaskólanum á Akureyri við athöfn síðastliðinn laugardag. Þeir voru af tuttugu námsbrautum auk meistaranáms að loknu sveinsprófi. -
ÚA 80 ára - Gjörið svo vel, gangið í bæinn
Í tilefni af 80 ára afmæli Útgerðarfélags Akureyringa er almenningi boðið að kynna sér starfsemi ÚA við Fiskitanga á Akureyri, laugardaginn 31. maí frá klukkan 11:00 til 13:00.