Rokk og rabb með Naglbítum
Akureyrska hljómsveitin 200.000 Naglbítar heldur tónleika í Menningarhúsinu Hofi á Akureyri í kvöld, föstudaginn langa. Þetta verður í annað sinn sem hljómsveitin kemur fram í Hofi. Við erum að hugsa um að gera þetta að árlegum viðburði, það er svo gaman að spila í þessu húsi, segir Vilhelm Anton Jónsson, Villi Naglbítur, söngvari og forsprakki hljómsveitarinnar. Þetta verða hálfgerðir afmælistónleikar en það eru 20 ár núna síðan við byrjuðum að spila í Gagganum á Akureyri.
Nýtt lag
Hann upplýsir blaðamann að hugsanlega verði nýtt lag frumflutt á tónleikunum.
Við ætluðum að taka létta æfingu fyrir tónleikana í síðustu viku en sömdum óvart gott lag í staðinn, segir Villi og hlær. Það er svo gaman semja að þetta lag kom bara ósjálfrátt. Ef ég næ að búa til texta við lagið í tæka tíð, þá munum við koma með splunkunýtt lag fyrir heimamenn. En þar sem ég er ekki stjórnmálamaður, lofa ég bara því sem ég get staðið við. Ég get hins vegar lofað góðri skemmtun. Okkur finnst alltaf gaman að koma norður að spila og við munum einnig segja skemmtilegar sögur úr æsku á milli laga. Þetta verður rokk og rabb.
Vanda valið
Naglbítarnir komu síðast fram á Akureyri sl. sumar á afmælishátíð bæjarins en hljómsveitin hefur haft heldur hægt um sig undanfarin ár. Við komum ekki oft fram en þegar við gerum það þá vöndum við valið hvar við spilum. Við erum allir frekar uppteknir í einhverju öðru og ákváðum því að halda færri en skemmtilegri tónleika. Við höfum meira gaman af þessu fyrir vikið og hverjir tónleikar skipta okkur meira máli.
Nánar er rætt við Villa í prentútgáfu Vikudags.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
