Rannsókn á flugslysinu á lokastigi
Rannsókn á flugslysinu sem varð á kappakstursbraut Bílaklúbbs Akureyrar í ágúst árið 2013 er á lokastigi og búist er við að niðurstöður liggi fyrir í sumar. Þetta staðfestir Þorkell Ágústsson hjá Rannsóknarnefnd samgönguslysa við Vikudag. Drög að lokaskýrslu á eftir að fara í meðhöndlun hjá nefndinni og að því loknu verða þau send til allra aðila málsins. Ég geri fastlega ráð fyrir því að niðurstaðan verði ljós eitthvern tímann í sumar, en nákvæmlega hvenær get ég ekki sagt til um, segir Þorkell.
Um var að ræða sjúkraflugvél frá flugfélaginu Mýflugi. Þrír voru í vélinni þegar hún brotlenti og létust tveir þeirra. Þriðji maðurinn hlaut minniháttar meiðsli.
Í október 2013 birti rannsóknarnefndin bráðabirgðaskýrslu um slysið. Þar kom fram að þegar flugvélin nálgaðist kappakstursbrautina hafi hún misst hæð og vinstri vængur hennar snert jörð við hægri hlið brautarinnar með þeim afleiðingum að hún brotlenti. Vélin hafði flutt sjúkling til Reykjavíkur frá Hornafirði þann 5. ágúst 2013 en þegar áhöfn sá til Akureyrarflugvallar og lauk blindflugi var óskað eftir því við flugturninn að fá að fljúga einn hring yfir bæinn sem fékkst samþykkt.
Í ágúst næstkomandi verða tvö ár liðin frá slysinu. Spurður um töfina á rannsókninni segir Þorkell að það sé eðlilegt að mál af þessari stærðargráðu taki langan tíma. Hann segir mörg mál hafa verið í rannsókn undanfarið og flugslysið á Akureyri sé erfitt og vandmeðfarið mál.
-þev
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
