Ragnheiður Skúladóttir ráðin leikhússtjóri LA
Ragnheiður Skúladóttir
Starfsmönnum Leikfélags Akureyrar var í dag tilkynnt að stjórn LA hefði ráðið Ragnheiði Skúladóttur í starf leikhússtjóra félagsins næstu tvö leikár. Ragnheiður Skúladóttir tók við listrænni stjórn LA á erfiðum tímum og hefur ásamt samstarfsfólki sínu náð að lyfta grettistaki á skömmum tíma. Stjórnin telur því að hún sé rétti aðilinn til þess að leiða endurreisn Leikfélags Akureyrar.
Stjórn LA stendur einhuga að þessari ákvörðun þótt í lögum félagsins segi að leikhússtjóri skuli ráðinn að undangenginni auglýsingu til þriggja ára. Nú á sér stað umræða um hugsanlegt aukið samstarf menningarstofnana á Akureyri sem geta falið í sér breytinar á starfsemi LA og þar með á starfi leikhússtjóra. Því þótti stjórninni þetta frávik frá lögum félagsins réttlætanlegt og óráðlegt í ljósi aðstæðna að ráða leikhússtjóra til lengri tíma en tveggja ára.
Ragnheiður mun hefjast handa við að undirbúa 40 ára afmælisár Leikfélags Akureyrar atvinnuleikhúss sem hefst á næsta leikári. Ragnheiður er með M.F.A gráðu í leiklist frá University of Minnesota og var deildarforseti leiklistar- og dansdeildar Listaháskóla Íslands um árabil. Hún hefur á fjölbreyttum starfsferli aflað sér víðtækrar þekkingar á straumum og stefnum í sviðslistum innanlands og erlendis.
Áherslur LA undir stjórn Ragnheiðar verða að stuðla að aukinni samvinnu á milli menningarstofnanna, atvinnuleikhópa sem og áhugaleikhópa. Efla alþjóðlegt samstarf í gegnum tengslanet, vinnustofur og gestasýningar. Ásamt því að renna styrkari stoðum undir fjárhag félagsins og skapa frjótt og skapandi starfsumhverfi innan leikhússins, segir í tilkynningu frá stjórn Leikfélags Akureyrar.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
