Rætt um að flytja sorp úr Eyjafirði í Refasveit
Hermann Jón Tómasson bæjarstjóri á Akureyri segir urðunarstaðinn á Glerárdal hafa starfsleyfi fram á mitt ár 2011og bæjaryfirvöld séu ekki tilbúin til að leita eftir framlengingu þess. Leit að nýjum urðunarstað í Eyjafirði hefur ekki borið árangur. Flokkun, fyrirtæki í eigu sveitarfélaganna við Eyjafjörð, á nú í viðræðum við byggðasamlagið Norðurá um að óflokkanlegur úrgangur héðan af svæðinu verði fluttur að Sölvabakka í Refasveit og urðaður þar. „Ef samningar nást á að vera hægt að loka urðunarsvæðinu á Glerárdal seinni hluta árs 2010. Ljóst er að kostnaður vegna urðunar mun aukast nokkuð frá því sem nú er ef af þessu samstarfi verður. Mun meiru þarf að kosta til vegna flutnings en á móti kemur að sveitarfélögin í Eyjafirði þurfa ekki að standa ein að uppbyggingu nýs urðunarstaðar sem þýðir að gjald fyrir urðunina sjálfa verður lægra en ella hefði orðið," segir Hermann Jón og leggur áherslu á að með þessu fyrirkomulagi muni Akureyringar endurheimta gott og glæsilegt útivistarsvæði í Glerárdal sem einnig vegi þungt í þessu máli.
Hann segir að á undanförnum árum hafi markvisst verið unnið að því að auka flokkun og endurvinnslu úrgangs á svæðinu og draga úr urðun. Þegar mest var voru urðuð um og yfir 20 þúsund tonn af úrgangi á Glerárdal en gert er ráð fyrir að í ár verði magnið milli 10 og 11 þúsund tonn og að þessi þróun muni halda áfram. Framundan eru breytingar á söfnun og meðhöndlun heimilissorps á Akureyri sem miða í þessa sömu átt, að tryggja að sem stærstur hluti úrgangs frá heimilum og fyrirtækjum sé endurnýttur eða endurunninn og að sem minnstu sé fargað.
Nú nýverið var Jarðgerðarstöð Moltu á Þveráreyrum tekin í notkun og þar með á að vera mögulegt að jarðgera allan lífrænan úrgang sem til fellur á svæðinu í stöðinni. Síðustu ár hefur lífrænn úrgangur frá fyrirtækjum verið jarðgerður við fremur frumstæðar aðstæður á Glerárdal en með tilkomu Moltu batna allar aðstæður til jarðgerðar til mikilla muna og afkastagetan eykst. „Lífrænn úrgangur er um 60% alls úrgangs frá fyrirtækjum og heimilum og stefnt er að því að stærstur hluti hans fari í jarðgerðina. Það stefnir því í að úrgangur til urðunar verði á næstu árum ekki nema þriðjungur þess sem hann var þegar mest var," segir bæjarstjóri.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.