Prjónaverksmiðja Glófa á Akureyri stækkuð í kjölfar bruna
Í dag föstudag, tók ullavörufyrirtækið Glófi formlega í notkun prjónaverksmiðju og saumastofu sína á Akureyri í nýuppgerðu og talsvert stærra húsnæði en fyrirtækið hafði yfir að ráða áður. Í maí árið 2010 varð bruni í eldra húsnæði verksmiðjunnar. Í kjölfarið stöðvaðist framleiðslan á Akureyri um tíma, var síðan í bráðabirgðahúsnæði en hefur nú verið komið fyrir í rösklega 850 fermetra framtíðarhúsnæði við Austursíðu.
Forsvarsmenn Glófa segja að með stærra húsnæði og endurnýjun vélbúnaðar stefni í aukna framleiðslu á Akureyri en þar er fyrst og fremst framleiðsla á sokkum, húfum, vettlingum, treflum og mokkavörum. Fyrirtækið framleiðir vörur undir merkinu Varma og er það stærsti framleiðandi á ullarvörum úr íslensku vélprjónabandi. Fyrirtækið var stofnað á Akureyri árið 1982 en hefur síðan vaxið mikið og er í dag með starfsemi á þremur stöðum á landinu; prjónaverksmiðjur og saumastofur á Akureyri, Hvolsvelli og í Kópavogi og markaðs- og söludeild og yfirstjórn í Kópavogi. Í heild eru starfsmenn um 45.
Logi A. Guðjónsson, framkvæmdastjóri Glófa, segir að þrátt fyrir áfallið sem fyrirtækið varð fyrir með brunanum á Akureyri árið 2010 hafi tekist að koma framleiðslunni fljótlega í gang á nýjan leik í bráðabirgðaaðstöðu. Með framtíðaraðstöðunni sem fyrirtækið fagnar í dag sé stigið skref í átt að vexti á Akureyri. Nýja verksmiðjuhúsnæðið við Austursíðu er hátt í 200 fermetrum stærra en við höfðum áður. Það skapar okkur ýmis sóknartækifæri og möguleika til endurnýjunar á vélbúnaði sem að hluta hefur þegar verið ráðist í og er í farvatninu. Við teljum okkur eiga talsverða möguleika ónýtta til vaxtar. Bæði í þeim vörum sem við höfum framleitt á Akureyri og einnig nýjum og tengdum vörum. Það má segja að framleiðslan á Akureyri hafi verið seld nokkurn veginn til helminga til Íslendinga og útflutnings en við höfum notið góðs af auknum straumi ferðamanna hingað til lands. Enn öflugri verksmiðja á Akureyri er því ánægjuefni fyrir okkur, segir Logi.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
