Ósammála og sammála ritstjóranum
Ég er ósammála Þresti ritstjóra að breyta nafninu á blaðinu úr því ágæta og sérstaka nafni VIKUDAGUR í hið þreytta nafn Vikublaðið, sbr. Morgunblaðið, Fréttablaðið, Viðskiptablaðið o.s. frv. Þegar að ég kom heim til Akureyrar eftir nokkra „útilegu“ og stofnaði blaðið Vikudag, en fyrsta blaðið kom út 5. desember 1997, var ég öldungis óviss í fyrstu með nafngift á blaðið og hafði samband við góðan kunningja, Ragnar Lár myndlistarmann með meiru og bað hann um uppástungur að nafni.
Ragnar brást vel við og sendi mér okkrar uppástungur en strax og ég sá nöfnin kom ekki annað til greina en nafnið Vikudagur og þar þóttist ég tengja saman að blaðið átti að koma út vikulega og svo ekki síðra að þarna þóttist ég hafa tenginu við hið gamla og vinsæla blað DAGUR. Ég er því ósammála nýja nafninu en ræð auðvitað engu héðan af, en hef þó stjórnarskrárvarinn rétt til að hafa skoðanir og láta þær frá mér í munnlegu og eða rituðu máli.
Sammála ritstjóranum
En ég er óskaplega sammála Þresti þegar hann í leiðara síðasta blaðs talar um furðulega ákvörðun Akureyrarbæjar, sem er svo sannanlega ekki sú eina furðulega en það er svo önnur saga. Að ætla að afleggja þetta vinsæla tjaldsvæði við Þórunnarstræti, sem verið hefur til fjölda ára bæjarbúum og aðkomufólki til ómældrar ánægju og gleði, prýði á bænum og stutt í alla þjónustu. Þó útivistarsvæðið að Hömrum sé vel lukkað og gert er það nokkra kílómetra frá byggð og óhentugt að því leiti.
Það verður t.d. ekki sendur krakki eftir mjólkurlítra eða brauðbita svo langt frá byggð eins og hægt er við Þórunnarstrætið þar sem Byggðavegs útibúið er við hliðina. Þó misvitrir menn hafi fyrir stuttu reynt að halda sjómannadaginn upp á Hömrum sér hver maður sem er með sæmilega opin augun að slíkt stenst ekki þar sem sést ekki einu sinni til sjávar og lítil falleg tjörn býður ekki upp á kappróðrarkeppni. Ef bæjarstjórn Akureyrar hefur hinn minnsta áhuga á að hlusta þá er eins og Þröstur ritstjóri benti réttilega á að lóðin fyrir hótelbyggingu, sem bærinn er margbúinn að auglýsa, er sú heppilegasta fyrir heilsugæslustöð austari hluta bæjarins. Kannski ættum við að fara út í undirskriftasöfnun Þröstur?
-Hjörleifur Hallgríms
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir